மழைக்காலம் 13 Oct 2005

கழுவப்பட்ட மரங்களில்
என் உலுக்கலுக்கான
செயற்கை மழை சேமிப்பு

முழுக்க நனைந்தபின்னே
நினைவு வரும் அம்மாவின் கண்டிப்பு

சேற்றின் ஊடே நான் மட்டும் அறிந்த விரைவுப்பாதை

தேங்கும் நீரின் அளவில்
விடுமுறை கணிக்கும் விஞ்ஞான நண்பன்

வீட்டுள் அடைக்கும்
மின் தடை பிறப்பிக்கும்
விநோத விளையாட்டுக்கள்

*****

நினைவெலாம் அழித்து
கார்மேகக் கூட்டத்தையும்
தூறலின் சுவட்டையும்
வியப்பாக்கிக் காட்டும்
பாலை வாழ்க்கை.

நுனிப்புல்லின் இந்தப் பதிவு உருவாக்கிய நோஸ்டால்ஜியா!