மொக்கை - பின்நவீனத்துவ பாட்காஸ்ட்!

முதல்லேயே சொல்லிடறேன் - இந்த மொக்கைக்கு க்ரெடிட் எனக்கு கிடையாது!

நான் எந்த வயசிலே தங்குதடையில்லாம படிக்க ஆரம்பிச்சேன்னு சரியா ஞாபகம் இல்லை.. எப்படியும் 12 - 13 வயசாவது இருக்கும்னு நினைக்கிறேன்.

ஆனா இன்னிக்கு பாடத்திட்டத்தில 5வயசில படிக்கச் சொல்றாங்க.. என் மகள்கள் ராத்திரியில் தூங்கறதுக்கு முன்னால என்கூடச் சேர்ந்து ஒவ்வொரு நாளும் 10-15 நிமிடமாவது படிக்காமல் தூங்குவதில்லை என்பது மகிழ்ச்சியைத் தந்தாலும்..

நிறைய ஃபேரி டேல்ஸை அடுத்தடுத்துப் படித்ததால் குழம்பியதாலோ, எழுத்தாளரின்(?!) மகளாக இருந்து கொண்டு பழைய கதையைச் சொல்வது தகுதிக் குறைவு என்று நினைத்ததாலோ..

இப்படி ஒரு கலந்துகட்டி கதையைச் சொல்லியிருக்கிறாள். இதில் கதாபாத்திரங்கள் யாவர், கதையின் நீதி ஆகியவற்றை பின் நவீனத்துவமாகவும் சொல்லி என் சிந்தனையைக் கிளறிவிட்டாள்!

கதையை இங்கே க்ளிக்கிக் கேளுங்கள்!

இந்தக்கதையின் நீதி புரிந்தவர்கள் எனக்குத் தனி அஞ்சலிலும், மற்ற சாதா மக்கள் பின்னூட்டத்திலும் தெரிவிக்குமாறு கேட்டுக்கொள்கிறேன்.

ஆவலுடன் காத்திருக்கிறேன் ஜூன்15!

யாரு படம்! எங்க தங்கத்தலைவர் நடிச்ச படம்!

 

யாரு படம்! பிரம்மாண்டமான காட்சியமைப்புகளுக்குப் பெயர் வாங்கிய இயக்குநர், தயாரிப்பாளர் கிட்டே இருந்து வர்ற படம்!

 

யாரு இசை! நாவில் ஒட்டிக்கொள்ளும் பல பாடல்களை ஏற்கனவே போட்டு எதிர்பார்ப்பை அதிகரித்துவிட்ட இசை அமைப்பாளர்!

 

பின்ன? எங்க தங்கத்தலைவர் ஏற்கனவே நடிச்ச ரெண்டு படத்திலும் காமெடி என்ன, செண்டிமெண்ட் என்னன்னு கலக்கினவராச்சே! ஒவ்வொரு காட்சியிலயும் மாறும் முகபாவத்துக்காக எத்தனை கலைஞர்கள் வேலை செஞ்சிருக்காங்க! அனிமேஷன்னா என்ன சும்மாவா?

 

இன்னுமா புரியல? ஜூன் 15 ஆம் தேதிதான் ஷ்ரெக் -3 ரிலீஸ் ஆகப்போகுது.

 

தலைவர் ஷ்ரெக், கனவுக்கன்னி பியோனா, நகைச்சுவைப்புயல் டான்க்கி, வில்லன்கள் தவளைராஜா, ப்ரின்ஸ் சார்மிங், புஸ் ஆன் பூட்ஸ் எல்லாரும் இந்தப்படத்திலயும் இருக்காங்களாம்.

 

லிவிடா விடா லோக்காவை மறக்கமுடியுமா? எவ்வளவு அற்புதமான இசை!

 

இந்தப்படத்தின் கதை என்னன்னு சினாப்ஸிஸ் போட்டிருக்காங்க - இங்கே!

 

Far Far Away வின் ராஜா ஆகிவிட்ட ஷ்ரெக்குக்கு தன் ஸ்வாம்புக்குச் செல்லதான் ஆசை. வேறொரு ராஜாவை அம்ர்த்திவிட்டுப்போகலாம் என்றால் ப்ரின்ஸ் சார்மிங் தொந்தரவு. பிரச்சினைகளைத் தீர்க்கக் கிளம்பிவிட்டார் தலைவர் - தன் ஆஸ்தான டாங்கி மற்றும் புஸ் இன் பூட்ஸுடன். இரண்டு மணிநேரக் குதூகலம் உத்தரவாதம்!

 

அவசியம் பார்த்தே ஆகவேண்டிய படம்.

 

சிவாஜி முழுப்படம் டவுன்லோடு லின்க்

இந்தப்பதிவு இன்னும் 1 மணிநேரம் மட்டுமே இருக்கும். அதன்பிறகு தூக்கப்படும். ஏன் அவ்வாறு செய்கிறேன் என்பது உங்களுக்குப்புரிந்திருக்கும் என நினைக்கிறேன்.

 

சிவாஜி படம் ரிலீஸ் ஆக இன்னும் 15 நாள் உள்ள வேளையில், என் நண்பர் இந்த லின்க்கை எனக்கு அளித்திருக்கிறார். இதில் கொத்தனார் உப்புமா செய்வது பற்றிய பதிவை எழுதியிருக்கிறார் :-)))))))))))))))))))))))))))))

 

வெள்ளை எழுத்துக்களாலும், 160ஐக்கடந்த பின்னூட்டங்களாலும், அதில் நான் கொடுத்த உப்புமாக்குறிப்புகள் அடியில் போய்விடக்கூடாதே என்று தனிப்பதிவாக ஆக்கியிருக்கிறேன்.

 

**********************************************************************************************

இன்னிக்கு பதிவெழுதறவங்க மத்தியிலே பலவிதமான பிரச்சனைகள் இருக்கு. ஜாதி மதம் போற்றும் / தூற்றும் பதிவுகள், வெள்ளீயம், காரீயம், இருத்தலீயம், பெரியாரீயம் னு பல ஈயம் தாங்கி வரும் பதிவுகள்னு நெறய வருது. இந்த ஹெவி பதிவெல்லாம் படிச்சு மனம் கனமாகிப்போயிடக் கூடாதுன்றதுக்காகத்தான் உப்புமா பதிவுகள் போட ஒரு ஸ்பெஷல் குறிப்பு. அதிகமா படிக்க வேண்டாம், சுலபமா செய்திடலாம், ஹிட்டும் வரும். இதுக்கு மேலே என்ன வேணும்? சந்தோஷமா உப்புமா கிண்ட ஆரம்பிங்க மக்கா!!

 

தேவையான பொருள்கள்:

 

1. கணினி -1
2. மானிட்டர்- 1
3. கீபோர்டு - 1
4. இ கலப்பை - 1
5. லதா எழுத்துரு - 1
6. இணைய இணைப்பு - குறைந்தது 256 KBPs
7. ப்ரவுஸர் - 1
8. நையாண்டி - தேவையான அளவு
9. கிண்டல் - தேவையான அளவு
10. அறிவுபூர்வமான அணுகல் - 0.000000%

 

செய்முறை:

 

1. தமிழ்மணம், தேன்கூடு, தமிழ்ப்பதிவுகள், மாற்று போன்றவற்றை திறந்துவைத்துக்கொள்ளவும்
2. அவற்றில் சூடான / அதிகம் பேர் பார்த்த / அதிக பின்னூட்டம் பெற்ற பதிவுகளை வடிகட்டி திறந்துவைத்துக்கொள்ளவும்.
3. திறந்து வைத்த இடுகைகளில் இருந்து இன்றைய சூடான கருத்துக்களம் எது என தெரிந்து கொள்ளவும்
4. இ கலப்பையைத் திறந்து, சூடான கருத்துக்களத்தைப் பற்றி ஆறிப்போன சில வரிகளில் தொடங்கவும்
5. பிறகு உங்களுடைய சொந்தமான சில சொதப்பல் வரிகளையும் சேர்க்கவும்.
6. பிறகு ஒரு முறை முதல் 255 கேரக்டர்களைப் படித்துப் பார்க்கவும். பார்வையாளர்களை இழுக்கும் வன்மை இருக்கிறதா எனப்பார்க்கவும்.
7. பிறகு அற்புதமான ஒரு தலைப்பை பதிவுக்கு வைக்கவும். மிக முக்கியம், உப்புமா என்பது தலைப்பில் தெரிந்துவிடவே கூடாது!
8. மீண்டும் ஒருமுறை படித்துப் பார்த்துவிட்டு, பப்ளிஷ் பொத்தானை அமுக்கிவிடவும்
9. இடுகையைத் திறந்து, திரட்டிகளுக்குத் தகவல் அனுப்பவும்

 

ஹார்ம்லெஸ் உப்புமா, கைப்புள்ள உப்புமா என்று இரு வகைகள் உள்ளன. ஹார்ம்லெஸ் படித்துவிட்டு மனதிற்குள் திட்டிவிட்டு ஓடிப்போய்விடுவார்கள். கைப்புள்ள ஸ்டைலில் படித்தவர்கள் பின்னூட்டம் போட்டு சண்டை போட்டு ஆப்புக்கு உத்திரவாதம் அளிப்பார்கள். ஹார்ம்லெஸ் வகையே நல்லது. போட்டுவிட்டு ஹிட்டு ஏறியிருக்கா என்று சொல்லுங்க!

**************************************************************************************** 

 

இப்போ பாருங்க, இந்த இடுகை உப்புமா விதிகளை முழுமையா மதிச்சு எழுதப்பட்டிருக்கு. இன்னிக்கு ஹாட் டாபிக் சிவாஜி, டவுன்லோடு லின்க் எனத் தேடப்போறவங்க ஏராளம். முதல் 255 கேரக்டர்களைப்பாருங்க.. எதாவது கிவ் அவே இருக்கா? ஆனா அத்தனையும் மீறி, பினாத்தல் ன்றதால நம்பிக்கை இல்லாமத்தான் நுழைஞ்சுருப்பீங்க.. அதுக்கு காரணம், இந்த மாதிரி மேட்டர்லே நான் உப்புமா தவிர வேற எதும் கிண்டறதில்லைன்ற எக்ஸ்பீரியன்ஸ்தான்.

 

நம்பகமான உப்புமா செய்யணும்னா, ஒன்னு ரெண்டு முறை நீங்க நம்பகமான பதிவுகளைப் போடணும். உப்புமா நல்ல உணவுதான், ஆனா அதுவே டயட் ஆகிட்டா, விளையாட்டுக்குக்கூட யாரும் உங்க பதிவு பக்கம் ஒதுங்க மாட்டாங்க.

 

எனவே, இப்பவும் வந்தவர்களை ஏமாத்தக்கூடாது என்பதற்காக டவுன்லோடு லின்க் தரேன்.

 

2 தொழில்நுடபக்கலைஞர்களின் 4 மணிநேர உழைப்பில், 5 திர்ஹம்கள் செலவில் தயாரிக்கப்பட்ட ஒளிப்படம் சிவாஜியின் டவுன்லோடு லிங்குகள்:

 

லின்க் 1

 

லின்க் 2

 

விமர்சன லின்க்

 

உங்கள் இடுகைகளைச் சூடாக்க வேண்டுமா? (24 May 07)

ஒவ்வொரு வேலைக்குமே ஒரு தொழில் நுணுக்கம் உண்டு. அந்தத் தொழில் நுணுக்கத்தைச் சரியாக அறிந்தவர்கள் விளக்கினாலும், நம்முடைய தொடர்ந்த பயிற்சியினால் எதையும் சாதிக்கலாம்.

 

இப்போது தலைப்பில் உள்ளது போல சூடான இருகைகளைப் பெறுவது எப்படி என்று பார்க்கலாமா?

 

கைகள் இரண்டையும் விரித்து வைத்துக்கொள்ளுங்கள்.

 

பிறகு வலதுகைச் சுண்டுவிரலோடு இடதுகைச் சுண்டுவிரலை இணையுங்கள்.

 

அதேபோல் வலதுகைப்பெருவிரலோடு இடதுகைப் பெருவிரலையும் இணையுங்கள்.

 

மற்ற விரல்களையும் இணையுங்கள்.

 

இப்போது பரபரவென்று தேயுங்கள்.

 

சிறிது நேரம் அவ்வாறு தேய்த்தவுடன் இரு கைகள் சூடாகி இருப்பதைக் காணலாம்.

 

********************

 

பி கு 1: இந்த தட்டச்சுப்பலகையில் Rஉம்  Tயும் அருகருகே இருப்பதால் நேர்ந்த எழுத்துப்பிழைதான் தலைப்பு. கொத்தனார் ஏற்கனவே புலம்பிட்டார் இதைப்பற்றி.

 

பி கு 2: கஷ்டப்பட்டு போட்டு ரெண்டே நாளிலே சிவாஜி விமர்சன சாப்ட்வேர் பார்ப்பவர் இன்றி தூங்குகிறது. அதைப்பார்த்து கருத்து சொல்லுங்கள்.

 

பி கு 3: மேட்டர் இல்லாதவனுக்கு உப்புமாவே கைகண்ட மருந்து.

லக்கிலுக்கின் பாசிசவெறியும் 1024ம்.

லக்கிலுக் என்ற பதிவரின் பாசிச வெறி வெட்ட வெளிச்சமாகிவிட்டது. அவரை
விமர்சித்து நான் போட்ட பின்னூட்டத்தை இன்னும் அனுமதிக்காமல் இருப்பதன்
மூலம் தன் பாசிச வெறியைக் காட்டிவிட்டார்.

அனானி ஆட்டம் போடும் பதிவுகள் என்ன, வாரிசு, ஆட்சி செயல்பாட்டிலிருந்து
எல்லாவற்றையும் விவாதிக்கும் களம் என்ன என்று பதிவுகள் பக்கமேதான்
இருக்கிறார் - இருந்தாலும் என் பின்னூட்டம் மட்டும் வெளியிடப்படவில்லை!

அப்படி நான் போட்ட பின்னூட்டம்தான் என்ன?

அவருடைய சிவாஜி விமர்சனத்தில்தான் இப்படி ஒரு பின்னூட்டம் இட்டிருந்தேன்:

**************
தம்பி லக்கிலுக்,

நல்ல முயற்சி.

ஆனால் 1 பெரிதா 1024 பெரிதா என்ற கேள்வியைக் கேட்க பினாத்தலார் தயாராகிவிட்டார்.

1024 என்பது என்ன?

2 பவர் 10-ஆ
4 பவர் 5 ஆ
ஒரு கிலோபைட்டில் உள்ள பைட்டுகளா?

பொறுத்திருங்கள் - இன்னும் மூன்று நாட்கள்.

(விளம்பரத்துறையில் பணிபுரிவதால் இந்த டீஸரை அனுமதிக்கத் தயங்கமாட்டாய்
என்றே நம்புகிறேன்.
*************

ஆனால் நடந்தது என்ன?

பின்னூட்டம் எழுதி சுமார் 10 மணிநேரத்துக்கு மேலாகியும் இன்னும்
அனுமதிக்கப்படவில்லை.இது தூங்கும் நேரம், வார இறுதி, கணினிக்கு அருகில்
செல்லவில்லை என்ற சப்பைக்கட்டுகளை பினாத்தல் குழு ஏற்காது!

ஏன் இந்தப் பாசிச வெறி?

எனக்கும் ஒரு வலைப்பூ உண்டு, அதில் இந்த விளம்பரத்தைப் போட்டுக்கொள்வேன்
- அடக்கிவிடமுடியாது என்பது தெரியாதா?

உப்புமா கிண்டியது போதும், இப்ப யோசிங்க!

1024 என்றால் என்ன? இங்கே பாருங்கள்!

இன்னும் ஒரு பட்டை

பட்டை போடுவது பேஷனாகிவிட்ட இக்காலத்தில் இசைவண்டியில் எகிறிக்குதிக்கும் முகமாக (Jumping the Bandwagon:-))பெனாத்தலார் இந்தப்பட்டையை வழங்குகிறார்.

உங்களுக்குத் தேவையான நிறங்கள், பின் வண்ணங்களிலும் வழங்கப்படும்.

தேவையான நிறத்தைப் பின்னூட்டமிட்டு, வாங்கிக் கொள்ளுங்கள்.

உபயோகப்படுத்துகிறவர்கள் ஒரு பின்னூட்டம் தண்டம் கட்டிச் செல்லுமாறு அறிவுறுத்தப்படுகிறார்கள்.

பதிவர் சந்திப்பு: சுடச்சுட புகைப்படங்கள்!!!!!

பல முக்கியமான பதிவர்கள் பல முக்கியமோ முக்கியமான விஷயங்களை அலசி
ஆராய்ந்து காயப்போடும் காட்சிகள்:

இந்தப்படத்தில் சிற்றுரை நடத்திக்கொண்டிருக்கும் பிரபல பதிவர் பற்றி
அறிமுகம் தேவையில்லை.

சுடச்சுட புகைப்படங்கள்,, ஆனால் சுடவே முடியவில்லை :-(

Reservation குறித்த என் சந்தேகங்கள்

இட ஒதுக்கீடு - Reservation, மறுபடி தலைப்புச் செய்திகளில் இடம்பெறத்
துவங்கிவிட்டது. பல பதிவுகள் இதைப்பற்றி வந்தாலும், என் எளிய சந்தேகம்
ஒன்றே ஒன்று.. அது தீர்ந்தபாடில்லை. இதன் நுணுக்கம், செயல்பாடு பற்றிப்
பல பதிவுகள் வந்திருந்தாலும் இந்தக்கேள்விக்கு யாரும் தெளிவான
விடையிறுக்கவில்லை.

கேள்வி இதுதான்:

சிவாஜி என்று ரிலீஸ்? என்று ரிஸர்வேஷன் ஆரம்பிக்கும்?

பி கு1: சில உப்புமாவுக்கு சீஸன் உண்டு, சிலது ஆல்-டைம் -ஃபேவரைட் :-)

பி கு2: இந்த மீள் உப்புமா பதிவு, நானும் பதிவுலகத்தில்தான் இருக்கிறேன்
என்று காட்டிக்கொள்ள மட்டுமே.

பி கு 3: ரெண்டு போதாது?

ஆமாங்க - நீங்க கேள்விப்பட்டது உண்மைதான் (05 Mar 2007)

நான் இல்லை என்று வாதாடியிருக்கலாம். ஆனால் உண்மை சொல்ல முடிவெடுத்துவிட்டேன்!

வேறு ஒரு பதிவில் நான் எழுதியவற்றைப் படித்து மன உளைச்சல் அடைந்திருக்கும் சக வலைப்பதிவர்களிடம் மன்னிப்பு கேட்டுக்கொள்கிறேன்.

ஆமாம். சென்னைக் கச்சேரி பதிவில், வலைக்கிரிக்கெட் அணியைப் பற்றி இகழ்ச்சியாக எழுதியிருந்தது, வலைப்பதிவர்கள் கிரிக்கெட்டில் உலகக்கோப்பை என்ன உப்புக்கருவாடு கூட வெல்ல முடியாது என்று எழுதியது நானேதான். என் மெயில் எனப்போடப்பட்டிருந்ததை நான் மறுத்திருக்க முடியும்.. ஆனால் உண்மை சொல்ல வேண்டுமே!

ஏன் அப்படி எழுதினேன்? வலைப்பதிவர்களை விடுத்து வேறு பிரபலங்களை அணியில் சேர்த்தால் காமெடிக்கு வசதியாக இருக்கும் என்பதால்தான். பதிவுலகில் நீங்களெல்லாம் சூப்பர் ஸ்டார்கள்தான். ஆனால் கோப்பை வெல்ல இன்னும் சிலத் தகுதிகள் தேவையாக இருப்பதாக கருதியதால் பிரபலங்களை அழைத்து வர நேரிட்டது.

அப்பதிவின் (இப்பதிவுக்கும்) நோக்கம் நகைச்சுவை மட்டுமே என்பதால் என்னை மன்னித்து விடுவீர்கள் தானே?

30?

பொருத்தமான எண்தான். தந்தித் தொலைதொடர்பில் செய்தி முடிந்ததை (கதை முடிந்ததை) தெரிவிக்க 30 ஐத்தான் உபயோகப்படுத்துகிறார்களாம்.

ஹர்ஷத் எண் என்கிறார்கள் - 30ஐ. ஒரு எண்ணுக்குள் உள்ள எண்களின் கூட்டுத்தொகையால் முழு எண் வகுபட்டால் அதுதான் ஹர்ஷத் எண்ணாம். சரியாக விளக்கவில்லை எனப்பட்டால் சுட்டியை அழுத்தி விளக்கம் பெறலாம்.

30க்குக் குறைவான அத்தனை பகா எண்களின் கூட்டுத்தொகையாவும் இந்த ஏன் அமைந்திருக்கிறது.

துத்தநாகத்தின் அணு எண் 30.

கி மு 45க்கும் கி மு 8க்கும் நடுவில் ஜூலியன் நாட்காட்டியில் லீப் ஆண்டுகளில் பிப்ரவரிக்கு 30 தேதிகள் இருந்தனவாம்.

திருமணம் நடந்த முத்துவிழா 30ஆம் ஆண்டில்தான் கொண்டாடப்படுகிறதாம்.

-----------

இப்படிப்பட்ட பதிவுகளுக்கு உடனடியாக 30 கொடுத்தால்தான் மூடுவிழா நடத்தமுடியுமாம்.

பீட்டாவுக்கு ஜே!

பெரிய வேலைதான்.

பீட்டாவின் முக்கியமான மேம்படுத்தல் என்பதால் முதுகைச் சுட்டெரிக்கும் பார்வையையும் பொருட்படுத்தாம பொறுமையா 212 பதிவுக்கும் லேபிள் கட்டிட்டேன்.

படிக்கறவங்களுக்கும் சௌகர்யம், இனி எழுதறதுக்கும் சௌகர்யம். சுட்டிக்காட்டிய கோவி கண்ணனுக்கு ஒரு பெரிய நன்றி.

எனக்கே ஆச்சரியமா இருக்கு, இத்தனை வகையிலேயா எழுதியிருக்கேன்னு, உப்புமா இவ்ளோ கம்மியாவும், ப்ளாஷ் இவ்ளோ அதிகமாவும் இருக்கும்னு நெனைக்கல :-) நக்கல் எதிர்பார்த்ததுதான்.

டோண்டுவுக்கு சில அறிவுரைகள் (06 Feb 2007)

வயது குறைவாயிற்றே என்று கொஞ்ச நேரம் யோசித்தேன். ஆனால், கால் நூற்றாண்டுக்கு முன்பே பிறந்த நான், சமீபத்தில் பிறந்த டோண்டுவுக்கு அறிவுரை சொல்வது தவறல்ல என்ற முடிவுக்கு வந்தேன்.

இன்னும் சொல்லப்போனால், இது டோண்டுவுக்கான அறிவுரை மட்டுமல்ல, பிரச்சினையில் சம்மந்தப்பட்ட, படாத அனைவருக்குமான திறந்த அறிவுரைகள். இந்த அறிவுரைகளைச் சொல்வதும் நானல்ல, நம் பாட்டி:-)

1.அறம் செய விரும்பு.
2. ஆறுவது சினம்.
3. இயல்வது கரவேல்.
4. ஈவது விலக்கேல்.
5. உடையது விளம்பேல்.
6. ஊக்கமது கைவிடேல்.
7. எண் எழுத்து இகழேல்.
8. ஏற்பது இகழ்ச்சி.
9. ஐயம் இட்டு உண்.
10. ஒப்புரவு ஒழுகு.
11. ஓதுவது ஒழியேல்.
12. ஔவியம் பேசேல்.
13. அஃகம் சுருக்கேல்.

ஊருக்குச் சென்றிருந்ததால் ஒரு சிறு இடைவெளி விழுந்துவிட்டு, மேட்டர் இல்லாமல் தலையைச் சொறிந்துகொண்டிருந்த நேரத்தில் இந்த உப்புமாவுக்கு வாய்ப்பளித்த அனைவருக்கும் நன்றி.

நான் ஒரு முறை முடிவெடுத்துட்டா!

என் பேச்சை நானே கேக்க மாட்டேன்!

கேட்டிருந்தா , வல்லவன் மாதிரியோ, செந்தழலின் வீராச்சாமி மாதிரியோ விமர்சனம் எழுதியிருக்க வேண்டிய படத்தை தியேட்டருக்குப் போயி பாத்திருப்பேனா?

படத்தின் பிளஸ் பாயிண்டுகள்:

நவரசமும் காட்டும் விஜயின் முகபாவங்கள்:

கோபம்

ஆத்திரம்

நகைச்சுவை

சோகம்

மகிழ்ச்சி

இது போதும்.

வடிவேலுவின் நகைச்சுவை பார்க்கும்போது ரசிகர்களின் முகபாவம்

அசினைப் பார்க்கும்போது மட்டும்

தியேட்டரை விட்டு வெளியே வரும்போது மக்கள்

போதுண்டா சாமி!

குமுதம், விகடன், டைம்ஸ் யாராவது இதை வெளியிடுவார்களா?

வெளியிட மாட்டார்கள் என்பதில் எனக்கு எந்த சந்தேகமும் இல்லை, இருந்தாலும், வேறு ஒருவர் பெயரில் வெளிவந்தால் இது பதிப்பிக்கப்படும், அதற்கு வரலாறும் இருக்கிறது.

தமிழ்நாட்டுப் பத்திரிக்கைகள் என்ன எழுதப்பட்டிருக்கிறது என்பதைவிட, யாரால் எழுதப்பட்டிருக்கிறது என்பதைத் தான் அதிகம் கவனிக்கிறது என்பதற்கு மேலும் ஒரு சான்றாக, இதை வெளியிடுகிறேன்.

தோய்க்க:

சட்டை - 3

பேண்ட் - 2

பட்டுப்புடவை - 1

ஸ்கூல் யூனிபார்ம் - 3

தேய்க்க:

சட்டை - 2

சுடிதார் - 2

சுஜாதாவின் லாண்டரிக்கணக்கை வெளியிட்ட சாவியே, இதை வெளியிடத் துணிச்சல் இருக்கிறதா???

பிரம்மாண்ட பினாத்தல் கருத்து கணிப்பு

காற்றுள்ள போதே தூற்றிக்கொள்கிறேன் என நினைத்தாலும் சரி, ரொம்பநாளா நினைப்பில் இருந்த ஒரு கருத்துக் கணிப்பை இப்போது நடத்திவிடலாம் என முடிவு செய்துவிட்டேன். இப்போது போடுவதால் அதிகப் பேரால் கவனிக்கப்படலாம் என ஒரு நப்பாசைதான்!

பொதுவாக கருத்துக் கணிப்புகள் எப்படிப்பட்ட முடிவைத்தரவேண்டும் என நடத்துபவர் எதிர்பார்க்கிறார் என்பதை தெரிவுகளின் மூலமே கண்டுகொள்ளலாம். நான் அடிக்கடி நடத்தும் ஸ்டண்ட்தான் இது:-)

உதாரணம் - என் வகுப்பு எப்படி இருந்தது?

அ - நன்றாக ஆ - மிக நன்றாக இ - அற்புதம்!

இப்போது, கணிப்புக்கு போகலாமா?

பினாத்தல் கருத்துக் கணிப்பு
பினாத்தலார் கருத்துக் கணிப்பு நடத்தலாமா?	காசா பணமா - நடத்தேன்! உனக்கு என்ன தகுதி? இதெல்லாம் ஒரு கேள்வி! யாருடா இதை ஆரம்பிச்சது?
	Current Results

எப்படி பதிவுகளின் போதே வேறு அவ்சர வேலைகளால் உள்ளே நுழைய முடியவில்லை! இப்ப மாட்டினீங்களா?

வல்லவன் -- விமர்சனம் (18 Nov 06)

இந்த விமர்சனம் பார்க்கச் சாதாரணமான விமர்சனம் போலத் தோன்றினாலும், வலைப்பதிவுலக வரலாற்றில் ஒரு மைல்கல்.


அம்பானி பொண்ணைக் கல்யாணம் செய்வது பெரியதா, அம்பானியாக ஆவது பெரியதா என்ற கேள்விக்கு விடை ஆரம்பத்திலேயே தெரிந்து விடுகிறது. L-I-T-T-L-E- S-U-P-E-R-S-T-A-R என்று எழுத்துக்கள் ஒவ்வொன்றாக வெளிவருகிறது. டி ராஜேந்தர் படத்தில் டி ராஜேந்தர் கொடுத்த பட்டம்! பட்டங்களுக்குத் தமிழ்நாடு கொடுக்கும் மரியாதை இவ்வளவு குறைவா?

பழைய படங்களைக் கொஞ்சம் கூட கூசாமல் காப்பி அடித்திருக்கிறார் சிம்பு. கல்யாணராமன் கமல் மேக்கப் மட்டுமன்றி பாடலும், இவருடைய மானசீகக் குரு எஸ் ஜே சூர்யாவின் படத்திலிருந்து காட்சிகள் (தெரியாமல் போய்விடக்கூடாது எனப் பெயர் சொல்லியே), பார்த்தேன் ரசித்தேன் சிம்ரன் போல ரீமா சென், படையப்பா போல கிளைமாக்ஸ்! அடுத்த கமல் நான் தான், அடுத்த ஷங்கர் நான் தான் என்பதைவிட அடுத்த லொள்ளு சபா ஹீரோ நான் தான் என்றால் அது நடக்கக்கூடிய நம்பக்கூடிய விஷயம்.பஞ்ச் டயலாக்குகளுக்குக் குறைவே இல்லை. ஆக்ஷன் ஹீரோக்களைவிட, பஞ்ச் டயலாக்களை காமடியன்கள்தான் அதிகம் பயன்படுத்துவார்கள். இதுவும் இன்னொரு சான்று.

அஜித் போல பேட்டிகள் மூலமும், ஹீரோ ஹீரோயின் காதல் வதந்திகள் மூலம், தயாரிப்பாளருடன் சண்டை என்று பரபரப்பு கிளப்பி படத்தைப் பேசவைக்கத் தெரிந்த அளவிற்கு படத்தை நன்றாக எடுக்க வேண்டும் எனத் தெரியவில்லை. விகடன் கொடுத்த 37 மார்க்கே அதிகம்.

யுவன் பாடல்கள் நன்றாக இருக்கின்றன.

இந்த விமர்சனம் பார்க்கச் சாதாரணமான விமர்சனம் போலத் தோன்றினாலும், வலைப்பதிவுலக வரலாற்றில் ஒரு மைல்கல்.

காரணம்..

ஊகிப்பவர் பின்னூட்டுங்கள் பார்க்கலாம்?

பயோரியா பல்பொடியும் தமிழின் எதிர்காலமும்(20 Jul 06)

சிதம்பரம் சர்ச்சை, பிளாக்ஸ்பாட் தடை, 23ம் புலிகேசி போன்ற பெருஞ்சுழல்களுக்குள் ஒரு சின்னக்குழந்தை தவழ்ந்து வருவது யாருக்கும் தெரியவில்லையா?

ஆம், 2006 ஆம் வருடத்தின் ஜூலை மாதம் 20 தேதிகளைக் கடந்துவிட்டது.

ஆச்சரியம் ஆனால் உண்மை!

நாளைக்காலை.. ஒரு அதிர்ச்சி காத்திருக்கிறது..

எதிர்பார்த்திருப்பீர்களா என்று தெரியாது.

குறைந்தபட்சம் 76 பேரின் எதிர்காலம் நாளை முதல் நிச்சயிக்கப்படும் என்பதை பலர் மறந்திருக்கலாம்; பினாத்தலாரும் மறக்க முடியுமா?

ஆம் தோழர்களே.. நாளைக்காலை ஜூலை 21 தேதி ஆகிவிடும்.

தேன்கூடு - தமிழோவியம் போட்டியின் வாக்கெடுப்பு நாளை ஆரம்பிக்கிறது. (இதுக்குதான் இவ்ளோ பில்ட்-அப்பா?)

போனமுறை மூன்றாவது கண் போட்டிக்கு வந்த படைப்புகளை அழகாக விமர்சித்திருந்தார்கள். இந்த முறை ஜகா வாங்கிவிட்டார்கள்.

எனக்கு நேரமும் பொறுமையும் (வெட்டிதானே!) இருந்ததாலும், 36 படைப்புகள் மட்டும்தான் என்பதாலும் அறிமுகம் கொடுக்க முடிந்தது.

இளவஞ்சிக்கு நிச்சயம் கஷ்டமாகத்தான் இருக்கும் - தற்போதுவரை 76 படைப்புக்கள்! இன்னும் ஏறும் என எதிர்பார்க்கப்படுகிறது.

எனவே, என் படைப்புகளுக்கு மட்டும் நானே அறிமுகம் கொடுக்க முடிவெடுத்துவிட்டேன். இதர படைப்பாளிகளும் இதைத் தொடரலாம்.

14. சீட்டு மாளிகை - நண்பன் மரணச்செய்தி கிடைத்தும் அதை வேறெங்கும் அறிவிக்க முடியாதவனின் மன ஓட்டம்.

42. அசைவு - என் முதல் சரித்திரக்கதை. மெழுகு பொம்மைகளில் பிரபலமான மேடம் துஸ்ஸாட் (தூஸே என்பதுதான் உச்சரிப்பாம்) அவர்களின் வாழ்க்கையில் நடந்த சில ரத்தப்பக்கங்கள்.

படித்துப்பார்த்து ஓட்டளிக்க மறவாதீர்கள். (லிங்க் தவறாக இருந்தால், பின்னர் சரி செய்துவிடுகிறேன்)

பிகு 14 -31 தான் பயோரியா பல்பொடி.. நமக்கு ரொம்பக்கிட்ட 14-42 வந்துட்டதாலே அதைப்போட்டேன். இங்கே எழுதுபவர்கள் பெரும்பாலும் ஆரம்ப எழுத்தாளர்கள்தானே, அவர்களை ஊக்குவித்தால் தமிழின் எதிர்காலம் சிறப்பாக இருக்குமில்லையா? (டேய் பினாத்தல் - கைக்கு வந்ததை எழுதிட்டு அதை நியாயம் வேறு படுத்தறயா?)

ஆத்தா நான் பாஸாயிட்டேன்!

மூன்று வருடங்கள் விட்டு விட்டுச் செய்த விடா முயற்சிக்கு இன்று பலன் கிடைத்தது!

 

எந்தப் பரீட்சையிலும் பெயிலாகாமல், கல்லூரியை விட்டுக்கூட அரியர்ஸ் இல்லாமல் வந்தவன் தான்.

 

அதற்குப்பிறகும் கூட, எழுதியபரீட்சைகளில், சென்ற நேர்முகத் தேர்வு எதிலும் தோற்றதில்லை என்ற பெருமையும் அடித்துக்கொண்டவன் தான்.

 

எல்லாப்பெருமைகளும், அமீரகத்தின் ஓட்டுநர் உரிமம் பெறும் முயற்சிகளில் காற்றோடு கரைந்தன.

 

வந்த ஆறு மாதங்களில் இருந்தே முயற்சி செய்ய ஆரம்பித்தேன். தனிப்பட்ட பயிற்சியாளர்களிடம் போய், பணத்தை அழுது, ஒவ்வொரு முறை தோற்கும்போதும் என் கார்க்கனவுகள் இன்னும் இரண்டு மாதம் தள்ளிப்போடப்பட்டு, இரண்டு மாதம் கழித்தும் தோற்று - என இரு வருடங்கள் போயின. இரண்டு மாதத்துக்கொருமுறை காரைத் தொட்டு, ஐந்தே நாட்களில் அவர்கள் எதிர்பார்த்த அசகாயசூரத்தன ஓட்டுநராக மாறமுடியவில்லை!

 

பிறகு அரசாங்க பயிற்சிப்பள்ளியில் இணைந்து, எட்டு மாதங்கள் காத்திருப்பு, பிறகு இரண்டு மாதங்கள் தொடர் பயிற்சிக்குப் பிறகு இரண்டு பரீட்சைகள் - இறுதியாக இன்று வெற்றி.

 

வெளியே சொல்லவே அவமானமாய் இருந்தது - வெறுப்பின் விளிம்பை எத்தனையோ முறை தொட்டிருப்பேன்! தோல்வி என்பதை பெருமையாக சொல்லிக்கொள்ளவா முடியும்?  இருந்தாலும் வேறு துறைகளில் - இல்லம், அலுவலகம், வலை என்று எல்லா இடங்களிலும் சொல்லிக்கொள்ளும்படியான வெற்றியைப் பெற்றிருந்தாலும், இந்தத் தோல்விகள் எந்த வெற்றியையுமே முழுமையாகக் கொண்டாட முடியாமல் செய்துவிட்டது.

 

இதை ஒரு அல்ப விஷயமாகக் கருதாதீர்கள்! ஆசீப்பின் பதிவில் நான் மட்டுமின்றி, வளைகுடா நாடுகளில் வாழும் அனைவரும் புலம்பிய புலம்பல்களையும், என்னை அவர் தேற்றியதையும் (குல்லா போட்டுகிட்டுப் போங்க!) படியுங்கள்! குல்லா எதுவும் போடாமலேயே:-) வெற்றி பெற்றுவிட்டேன்!

 

தமிழ் வலைப்பூக்களைத் தொடர்ந்து படிப்பவர்களில் இன்று என்னைப் பாஸ் செய்த அரபிக் காவல்காரனும் இருப்பது குறித்தும் மகிழ்ச்சி! 

Reservation குறித்து மூன்று கேள்விகள் (30 May06)

நிறைய நாட்களாய் யோசித்து, விடை தெரியாமல் இன்னும் தவிக்கும் மூன்று கேள்விகளை தெரிந்தவர் முன் வைத்தால் பதில் கிடைக்க வாய்ப்பிருக்கிறது என்று கருதுவதால் இந்தப்பதிவை இடுகிறேன்.

 

பல வலைத்தளங்களுக்குச் சென்றும் பார்த்துவிட்டேன்,

 

வலைப்பதிவுகளிலும் இந்தக்கேள்விகளுக்கு விடை எங்கும் அளிக்கப்படவில்லை.

 

Reservation-இன் வசதியை சில வேளை நான் அனுபவித்திருந்தாலும், பல வேளைகளில் மறுக்கப்பட்டிருக்கிறேன். இல்லாததால் பல பிரச்சினைகளையும் அனுபவித்திருக்கிறேன்.

 

இதைப்படிப்பவர்கள் திறந்த மனதோடு அணுக வேண்டுமென்று கேட்டுக்கொள்கிறேன்.

 

எல்லாருக்கும் தெரிந்திருக்க வாய்ப்பில்லாவிட்டாலும், தமிழகத்தில் இருந்து, குறிப்பாக சென்னையிலிருந்து பதியும் சில பதிவர்களுக்கு விடை தெரிந்திருக்கும் என நம்புகிறேன்.

 

இதோ என் கேள்விகள்:

 

1. வேட்டையாடு விளையாடு படம் முடிவடைந்துவிட்டதாகக் கூறப்பட்டாலும் ஏன் ரிலீஸ் செய்யப்படவில்லை?

 

2. Reservation குறித்த முக்கியமான கேள்வி: என்று ஆரம்பிக்கிறது?

 

3. துபாயில் ரிலீஸ் என்று ஆகும்?

 

பி கு: அடிக்க வராதீர்கள் - கொஞ்ச நாட்களாய் வெறும் சீரியஸ் பதிவே போட்டு அலுத்துவிட்டது:-))

Reservation குறித்து மூன்று கேள்விகள்

நிறைய நாட்களாய் யோசித்து, விடை தெரியாமல் இன்னும் தவிக்கும் மூன்று கேள்விகளை தெரிந்தவர் முன் வைத்தால் பதில் கிடைக்க வாய்ப்பிருக்கிறது என்று கருதுவதால் இந்தப்பதிவை இடுகிறேன்.

 

பல வலைத்தளங்களுக்குச் சென்றும் பார்த்துவிட்டேன்,

 

வலைப்பதிவுகளிலும் இந்தக்கேள்விகளுக்கு விடை எங்கும் அளிக்கப்படவில்லை.

 

Reservation-இன் வசதியை சில வேளை நான் அனுபவித்திருந்தாலும், பல வேளைகளில் மறுக்கப்பட்டிருக்கிறேன். இல்லாததால் பல பிரச்சினைகளையும் அனுபவித்திருக்கிறேன்.

 

இதைப்படிப்பவர்கள் திறந்த மனதோடு அணுக வேண்டுமென்று கேட்டுக்கொள்கிறேன்.

 

எல்லாருக்கும் தெரிந்திருக்க வாய்ப்பில்லாவிட்டாலும், தமிழகத்தில் இருந்து, குறிப்பாக சென்னையிலிருந்து பதியும் சில பதிவர்களுக்கு விடை தெரிந்திருக்கும் என நம்புகிறேன்.

 

இதோ என் கேள்விகள்:

 

1. வேட்டையாடு விளையாடு படம் முடிவடைந்துவிட்டதாகக் கூறப்பட்டாலும் ஏன் ரிலீஸ் செய்யப்படவில்லை?

 

2. Reservation குறித்த முக்கியமான கேள்வி: என்று ஆரம்பிக்கிறது?

 

3. துபாயில் ரிலீஸ் என்று ஆகும்?

 

பி கு: அடிக்க வராதீர்கள் - கொஞ்ச நாட்களாய் வெறும் சீரியஸ் பதிவே போட்டு அலுத்துவிட்டது:-))