உங்கள் இடுகைகளைச் சூடாக்க வேண்டுமா? (24 May 07)

ஒவ்வொரு வேலைக்குமே ஒரு தொழில் நுணுக்கம் உண்டு. அந்தத் தொழில் நுணுக்கத்தைச் சரியாக அறிந்தவர்கள் விளக்கினாலும், நம்முடைய தொடர்ந்த பயிற்சியினால் எதையும் சாதிக்கலாம்.

 

இப்போது தலைப்பில் உள்ளது போல சூடான இருகைகளைப் பெறுவது எப்படி என்று பார்க்கலாமா?

 

கைகள் இரண்டையும் விரித்து வைத்துக்கொள்ளுங்கள்.

 

பிறகு வலதுகைச் சுண்டுவிரலோடு இடதுகைச் சுண்டுவிரலை இணையுங்கள்.

 

அதேபோல் வலதுகைப்பெருவிரலோடு இடதுகைப் பெருவிரலையும் இணையுங்கள்.

 

மற்ற விரல்களையும் இணையுங்கள்.

 

இப்போது பரபரவென்று தேயுங்கள்.

 

சிறிது நேரம் அவ்வாறு தேய்த்தவுடன் இரு கைகள் சூடாகி இருப்பதைக் காணலாம்.

 

********************

 

பி கு 1: இந்த தட்டச்சுப்பலகையில் Rஉம்  Tயும் அருகருகே இருப்பதால் நேர்ந்த எழுத்துப்பிழைதான் தலைப்பு. கொத்தனார் ஏற்கனவே புலம்பிட்டார் இதைப்பற்றி.

 

பி கு 2: கஷ்டப்பட்டு போட்டு ரெண்டே நாளிலே சிவாஜி விமர்சன சாப்ட்வேர் பார்ப்பவர் இன்றி தூங்குகிறது. அதைப்பார்த்து கருத்து சொல்லுங்கள்.

 

பி கு 3: மேட்டர் இல்லாதவனுக்கு உப்புமாவே கைகண்ட மருந்து.