அமரர் கல்கி சிறுகதைப் போட்டியும் நானும்

அமரர் கல்கி சிறுகதைப் போட்டியில் பிரசுரத்துக்கு தேர்வு பெற்ற கதை

Kalki Suresh


நன்றி: கல்கி
நன்றி: என்றும் துணைநிற்கும் சக எழுத்தாளர்கள்

ஆகஸ்டு மாசமும் பதிவு போட்டாச்சு!

எதோ கும்பலோட நம்ம பதிலும் வரும், யாரும் ரொம்ப கண்டுக்காம விட்டுடுவாங்கன்னு பாத்தா உங்க பதிவுலேயே போட்டுக்கங்க, திட்டோ வாழ்த்தோ நீங்களே வாங்கிக்கங்கன்னு கழட்டி விட்டுட்டாரு காசி.. (எனக்கு அது திட்டோ திட்டோதான்னு நல்லாவே தெரியும்)

தொழில்நுட்ப மேட்டர்களைப்பற்றிய என் அறிவை பட்டவர்த்தனமாக திறந்து வைக்கிறேன், உள்ளே ஒன்றும் இல்லை என்பதைக் கண்டுபிடிப்பவர்களுக்கு எந்த பரிசும் கிடையாது!

1. இணையத்தில் தமிழ் உள்ளடக்கங்கள் தேவையான அளவுக்கு உள்ளன என்று
எண்ணுகிறீர்களா? கணினியும் இணையமும் கிடைக்க வசதியுள்ள தமிழர் இன்னும்
இவற்றில் அதிகமாகத் தமிழில் புழங்கவேண்டுமானால் என்னவெல்லாம்
செய்யவேண்டும்?

இணையத்தில் தமிழ் தேவையான அளவுக்கு உள்ளன. யார் தேவைக்கு? என் தேவைக்கு!

ஆங்கிலம் மட்டுமே அறிந்தவன் கணினி உபயோகிக்க முடியும், ஜப்பானியமொழி மட்டுமே அறிந்தவனும் உபயோகிக்கமுடியும். என்று தமிழ் தவிர வேறெந்த மொழியும் அறியாதவன் தமிழ்க்கணினியை உபயோகிக்கின்றானோ, நிஜமான தேவையான அளவு வரும்.

தமிழ்மொழி மட்டுமே அறிந்த பிரகிருதிக்கள் மென்பொருள் பொருளாதாரத்தை கட்டுப்படுத்த அல்ல, பாதிக்கக்கூட செய்யாத நிலை தமிழ்க்கணிமையை பெருமளவு முன்னேறவிடாமல் செய்வது நிஜம்.

கணினியும் இணையமும் கிடைக்க வசதியுள்ள தமிழர், இன்றே தமிழில் புழங்குவது ஆவல் சார்ந்துதானே ஒழிய, ஜீவனோபாயமாக இல்லை. இன்னும் அதிகமாகத் தமிழில் புழங்கவேண்டுமென்றால் இன்னும் ஆவல் அதிகரிக்கவேண்டும். தமிழ் தெரியாமலேயே வளர்ந்துவிட்ட ஒரு தலைமுறைதான் இன்று கணினியைக் கையாள்கிறது. அவர்களை தமிழில் புழங்கவைத்தல் முடியாத காரியம். ஓய்வாகக் கணினி பழகும் மூத்தோர் தமிழில் தட்டச்சமுடியும் என்று தெரியாமலேயே இருக்கின்றனர். அவர்களுக்கு வேலை எளிதாகச் செய்யும் மென்பொருள்கள் (ஒலி-எழுத்து மாற்றிகள்), தமிழில் படித்துக்காட்டும் மென்பொருள்கள் வந்தால் இன்னும் அவர்கள் ஜனத்தொகை கூட வாய்ப்புள்ளது.

2. தகவல்-நுட்பப் புரட்சியின் முழுப் பயனையும் தமிழர் சமூகம்

அனுபவிக்கிறதா? உ.ம். ஊடாடுதல் (மின்னஞ்சல், குறுஞ்செய்தி, மின்னரட்டை
போன்றவை தமிழ் மூலமாக); மின்வணிகம் (வங்கி, இணையக்கடை, கட்டணம் செலுத்தல்
போன்றவை தமிழில்); அரசாளுமை (வரிவிதிப்பு, அரசாணை, அரசின் அங்கங்களிடம்
தமிழில் சேவை பெறுதல்) இதழ்கள் (செய்தி,இலக்கியம் வாசித்தல், வலைப்பதிவு,
குறும்பதிவு, போன்ற வெப் 2.0 ஊடகங்கள் தமிழில்).

இவற்றின் பயனாளி அல்ல என்பதால் இதைப்பற்றி அதிகம் சொல்லத் தெரியவில்லை. எனினும், தானியங்கி குரல் சேவைகளில் (வங்கி, ரயில்வே முன்பதிவு போன்ற) தமிழ் இருப்பதும், உபயோகப்படுவதும் நிச்சயமாக அதிகரித்தே இருக்கின்றது, குறுஞ்செய்திகளில் தமிழ் ஆங்கில லிபியின் ஊடாகவே பரப்பப்படுகிறது. தமிழ் லிபி உள்ளிடுவதற்காக செய்யவேண்டிய வேலைகள் ஏராளம் என்பதோடு அவை சுலபமாகவும் இல்லை. தமிழ் அச்சு ஊடகங்கள் இணையத்தை கவனிக்கத் தொடங்கி இருக்கின்றன, காலதாமதமாகவேனும். ஆனால் கவனம் இன்னும் மரியாதையாக மாறவில்லை. அரசாளுமையைப் பொறுத்தமட்டில் எல்லாம் இணையத்தில் இருக்கின்றது எனக்காண்பிக்கவேண்டிய அவசியத்தால் கொஞ்சம் செய்கிறார்கள். முழுப்பயனையும்? நிச்சயமாக இல்லை. செல்லவேண்டிய தூரம் பாக்கி நிறைய இருக்கின்றது!

3. தன்னார்வலர்களின் பங்களிப்பும் விக்கிப்பீடியா போன்ற குழுக்களின்
பங்களிப்பும் இணையத்தில், கணினியில், தமிழின் பயன்பாடு அதிகரிக்க எந்த
அளவுக்கு உதவியுள்ளன? உங்கள் பார்வையில் முக்கியமானவை, மேலும்
முன்னெடுத்துச் செல்லவேண்டியவை என எவற்றைக்குறிப்பிடுவீர்கள்?

இணையத்தில் தமிழ் என்பதே எத்தனையோ முகம் தெரியாத தன்னார்வலர்களால் வந்ததுதானே. தமிழின் பயன்பாடு அதிகரிக்க அல்ல, உருவாகவே அவர்கள் பங்களிப்புதானே காரணம். ஏராளமான நேரத்தையும் உழைப்பையும் கொட்டி அவர்கள் ஆர்வத்தால் எங்கள் ஆர்வத்தை வளர்த்த இவர்களுக்கு வந்தனம். முன்னெடுத்துச் செல்லவேண்டியது ஆர்வத்தை மட்டுமே. ரோட்மேப் போட்டு வந்ததல்ல இந்த வளர்ச்சி, காலம் சொல்லும் கட்டளைகள் :-)

4. நாளையே அரசின் தகவல்-நுட்பத்துறைக்கு உங்களைத் தலைமையேற்கச்

சொன்னால் மேற்சொன்னவகையிலான தமிழ்ப் பயன்பாட்டு விரிவாக்கத்துக்கான
செயல்களாக எவற்றை உடனடியாக மேற்கொள்வீர்கள்?

தமிழில் செய்யவேண்டிய வேலைகள் பல உள்ளன. நல்ல எளிய தமிழ்க்கணிமை புத்தகங்கள், தொழில்நுட்ப ஆவணங்கள், மென்பொருட்கள்... தன்னார்வலர்களை மட்டுமே நம்பி இப்படிப்பட்ட முயற்சிகளை செய்வது பிரம்மப்பிரயத்தனம் மட்டுமல்ல, அவர்களுக்கு இழைக்கும் அநீதி என்றுகூடச் சொல்லலாம். இணையத் தமிழ் பயன்பாட்டை அதிகரிக்க அரசு அமைப்பும் பணமும் தேவை. நல்ல தொழில்நுட்பம் தெரிந்த தமிழார்வலர் ஒருவரை காரியதரிசியாக நியமிப்பதில் துவங்குவேன் :-)

5. தமிழ் வலைப்பதிவுகளை பற்றிய உங்கள் பொதுவான கருத்து என்ன? புதிதாக
வலைப்பதிக்க வருவோருக்கான யோசனைகளாக எவற்றைக் கூறுவீர்கள்?

வலைப்பதிவுகள் பொதுவான நாட்குறிப்பாக இருந்த காலத்தை தாண்டி, உபயோகமான பொழுதுபோக்காக மாறின, அதே நீட்சியில் இந்நேரத்தில் கலைக்களஞ்சியமாக மாறியிருக்கவேண்டும். யார் கண் பட்டதோ, எண்ணிக்கையில் மறைவன அதிகமாய் இருக்கின்றன, தகுதியுள்ளன தக்கும்தான் - ஆனால் குப்பைக்குள் மறையும் மாணிக்கங்களும் இருக்கின்றனதான். புதிதாக வலைப்பதிவோர்களுக்கு என்னிடம் ஆலோசனைகள் ஏதுமில்லை - ஓரிரு ஆண்டுகள் கழித்துப்படித்தாலும் உங்கள் முகமே சுழித்துக்கொள்ளாதபடி எதை வேண்டுமானாலும் எழுதுங்கள் என்பதைத்தவிர!

6. தமிழ்மணம் வரும் ஆகஸ்ட் 23ஆம் நாள் தன் சேவையின் ஐந்து ஆண்டுகளை

நிறைவுசெய்கிறது. இந்த 5 ஆண்டுகளில் தமிழ்மணத்தின் சேவையைப் பற்றிய
உங்கள் கருத்துகள் என்ன? வரும் ஆண்டுகளில் தமிழ்மணம் செய்யவேண்டியவை எவை?

வாழ்த்துக்கள். தமிழ்மணமும் நானும் ஏறத்தாழ ஒரே நாளில் துவங்கி இருக்கிறோம். (வாழ்த்துக்கள் திருப்பித் தரப்படும் அல்லவா?)

தமிழ்மணம் வலைப்பதிவுகள் இரண்டையும் பிரித்துப்பார்க்கமுடியாதபடி இன்னமும் இருக்கிறது என்பதே அதன் இன்றியமையாமைக்கு சாட்சி. உள்ளடக்கத்துக்கு திரட்டி பொறுப்பேற்கவேண்டும் என இணையத்தில் பலநாட்கள் பழகியோரே சொன்ன காலங்களில் இருந்து, எனக்கு மட்டும் எதிரான நிரல்களைத் தயாரிக்கிறார்கள் என்று சொல்லும் இக்காலம் வரை திரட்டியின் பங்கு பற்றி முழுமையான புரிதல் இல்லாத பயனர்களோடு புரிந்துணர்வோடு கூடிய ஒத்துழைப்பு கொடுத்து வருவது செங்குத்தான மலையேற்றம்தான். இரண்டு பதிவு மாதம் போடுவதற்கே நேரப்பங்கீடு செய்ய கஷ்டப்படும் என்போன்றோர் மத்தியில், பைசா வரவின்றி நேரம் செலவழிக்க பெரிய அளவு ஆர்வம் வேண்டும். அந்த ஆர்வத்துக்கு வந்தனம்.

வரும் ஆண்டுகளில் என்ன செய்யவேண்டும் என்பது எனக்குத் தெரியவில்லை, செய்யவேண்டியதை செய்யவேண்டிய நேரத்தில் சரியாகச் செய்யக்கூடியவர்கள் கையில்தான் நிர்வாகம் இருக்கிறது என்பதை சென்ற ஆண்டுகள் நிரூபித்திருக்கிறது தமிழ்மணம்.

நன்றி நன்றி நன்றீ!! (23 Feb 07)

இண்டிபிளாக்கீஸ் தேர்தல் - தமிழ் பிரிவில் பெருவாரியாக வாக்குகள் அளித்து என்னை கௌரவித்த அனைவருக்கும் என் நன்றி.

விரிவான நன்றி அறிவிப்பு கொ ப செ கொத்தனாரின் பதிவில் நடைபெறுகிறது..

மீண்டும் ஒருமுறை வாக்களித்த அனைவருக்கும் நன்றி.