கலாசாரத் தேடலின் நடுவே ஒரு சிறிய இடைவெளி விடவேண்டியதாகிவிட்டது. மாபெரும் ட்விட்டர், ப்ளாக்கர் மற்றும் ஆம் ஆத்மிகளின் சந்திப்பில் அவ்வப்போது சிற்றுரை பேருரை Bore உரை எல்லாம் ஆற்ற வேண்டிய நிர்ப்பந்தங்களினால்.
பத்துமணிக்கு அழைத்து போடப்பட்ட போஸ்டர்களின் விளைவால் பதினோரு மணிக்கு எழுந்து தயாராகச் சென்றேன். இலவசனார் காலை உண்டி கொடுத்தபின் தான் தயாராவேன் என்ற என் பிடிவாதத்துக்குப் பதில் சொல்லியே ஆகவேண்டி இருந்தது.
நீண்ட காலத்துக்கு முன் நான் ப்ளாக்கில் தீவிரமாக எழுதிக்கொண்டிருந்தபோது தீவிரமாக கமெண்ட் போட்டதை இன்றும் எண்ணி வருந்தும் மணியன் @rsmanyan, நீங்க எழுத ஆரம்பித்த காலத்திலெல்லாம் நான் சின்னப்பையன் என்று என் வயதைக் குறிவைத்துக் கொலைவெறி காட்டிய @forvino, எவ்ளோதூரம்தான் போறானுங்க பார்க்கலாம் என்று அமைதியாக இருந்த @the_tweedy, வைஃபாலஜி மேலுள்ள கோபத்தை கனல் அடங்காமல் காத்துவரும் பத்மா அரவிந்த் @padmaa ஆகியோருடன் மொக்கை போட ஆரம்பிக்க தீவிர இலக்கியமும் உலக சினிமா தாகமும் அடங்காத ஒருபக்கம் @orupakkam, (அடங்காத மட்டும்தான் உண்மை, மற்ற அட்ஜெக்டிவ் எல்லாம் சும்மா பில்ட் அப்புக்கு :-) வயதான, போலி டைனோபாய் @dynobuoy, சேவல்பண்ணைக்கு குடும்பத்துடன் வந்துவிட்டிருந்த இளா @vivaji (நோயாளிகள் நேரம்தப்பாமல் மாத்திரை சாப்பிடுவது போல் வெளியே தனியாகச் சென்று அடிவாங்கிக்கொண்டு திரும்பினார்), வண்ண உடைகளை கவனமாக்த் தவிர்த்த வெட்டிப்பயல் பாலாஜி @vettipaiyal, எழுத்துக்குச் சம்மந்தமே இல்லாத இளமையோடு பிகேசிவகுமார் @ivansivan, இன்னும் என்னவெல்லாம் எழுதி சமுதாயத்தைக் கொடுமைப்படுத்தலாம் என சதித்திட்டம் தீட்டிக் கொடுத்த திண்ணை துக்காராம் @thukaram என்று மொக்கை களைகட்டியது.
வந்திருந்தவர்களின் அன்பான கேள்விகளின் வீச்சு: “நீங்கள் ஒரு பெரிய எழுத்தாளராமே? ஆமாம், என்ன எழுதறீங்க?” “நீங்க எழுதின எல்லா புக்கும் படிச்சிருக்கேன், ஆமாம், ப்ரேசில் சமையல் குறிப்புகள் நீங்கள் எழுதினதுதானே?” “உங்க ட்விட்லே எல்லாம் ஒரு ஸ்பார்க் தெரியும். ஆமா, உங்க ஹாண்டில் என்ன?” “ஒரு சக எழுத்தாளராக டேன் ப்ரவுன் பற்றி உங்கள் கருத்தென்ன?” “அடுத்த புக் எப்போது? தற்காப்பா இருக்கவேணாமா?” போன்ற கேள்விகளுக்கு புன்னகையை பதிலாக்கினேன். இளிச்சவாயனாக ஆக்கிவிட்டார்கள் என்பதன் இடக்கரடக்கல் என்பதறிக. (ஃபோட்டோக்கள் வேறு காமராவில், தனியாகச் சேர்க்கப்படும்)
மதியம் என்று ஆரம்பித்த பயணத்திட்டம் மாலையாக மாறி அப்போதும் மொக்கை தொடர, முன்னிரவிலேயே கிளம்ப முடிந்தது. வழியில் பயணத்தில் சேர்ந்த கண்ணபிரான் ரவிஷங்கர் @kryes எழுதும்போது ஸ்ரீவேணுகோபாலன், பேசும்போது புஷ்பா தங்கதுரை.
அட்லாண்டிக் சிட்டிக்கு எங்களுக்கு முன்பே வந்து காத்துக்கொண்டிருந்தார் சத்யராஜ்குமார் @ksrk. இதற்காகவா காத்திருந்தாய் சத்யராஜ்குமாரா? என்னும் அளவுக்கு அவரைப் படுத்தினோம். ஆட்டம் கொண்டாட்டம் சூதாட்டம் நிரம்பிய ஊரிலும் இசை நீர்வீழ்ச்சி போன்ற உபத்திரவமில்லாத வஸ்துக்களைத் தேடிக் கண்டுபிடித்துக் காட்டினார்.
பாஸ்டன் பாலா @snapjudge வந்தார்.அவருடைய செறிவான டாட்நெட் கட்டுரைகளைப் பற்றிய விவாதங்களைத் தொடங்க அவர் ரசிகர் கூட்டம் தயாராக இருந்தும் மற்றவர்களின் கொலைவெறிப்பார்வையால் வழக்கமான மொக்கையே போட்டு காஸினோவுக்குச் சென்று காசு இனி நோ என்று பதம் பிரித்துக் காட்டச் சூளுரைத்தோம்.
கலாசார நுகர்வு பூர்த்தியாகும் முன்னரே நேரம் கடக்க ஆரம்பித்தது. “அப்போ இன்னிக்கும் மேற்படி டான்ஸ் இல்லியா?” சோகத்தோடு கிளம்பும் நேரத்தில் குற்றாடை நங்கையர் சிலர் சூதாட்ட விடுதியில் ஆட ஆரம்பித்தார்கள். கலைக்கண்ணோடுதான் பார்க்கிறேன் என்று கேட்பதற்குமுன் பதில் சொல்லத் தயாரானேன். ஆனால் என்னை யார் பார்த்தார்கள்?
ஆனால் முழுமையான கலாச்சார நுகர்வும் பகிர்வும் இனிமேல்தான் என்று சூளுரைக்கிறார் கொத்தனார். எனவே, சிறிய இடைவேளைக்குப் பிறகு, கலாசாரப் பகிர்வைப் பொதுவுடமைப்படுத்துகிறேன்.
அட்லாண்டிக் சிடிக்கு வந்திருந்தவர்களில் ஒரு பகுதி:
Aug 1, 2010
அமெரிக்க பணயக் கட்டுரை - 2
Jul 9, 2009
சென்னை 2009
பத்து நாட்களாகிவிட்டன - வந்ததிலிருந்து உருப்படியாக ஒரு வேலை செய்யவில்லை. அலுவலகத்தில் இருப்பது போலவே இருக்கின்றது. சிலபல பதிவர்களையும் ட்விட்டர்களையும் சந்தித்ததை உருப்படியில் சேர்க்கலாமா என மனதுக்குள் காரசாரமாக விவாதித்துக் கொண்டிருக்கிறேன்.
- பைத்தியக்காரனையும் பாலபாரதியையும் எவ்வளவு நோண்டியும் உரையாடல் போட்டிக்கு நடுவர் யார் எனச் சொல்லவில்லை :-(
- மாசிலாமணி படத்தை விமர்சிப்பவர்கள் அதிமுகக் காரர்கள் என லக்கிலுக், அதிஷா மற்றும் இலைக்காரன் ஏகமனதாகச் சொன்னதை அடுத்து அடங்கிவிட்டேன்.
- கேபிள் சங்கர், தண்டோரா, நைஜீரியா ராகவன் போன்றோரோடு முதல் சந்திப்பிலேயே மெகா மொக்கை அளவுக்கு நட்பை வளர்த்துக்கொண்டேன் :-)
- தளபதிக்கும் தல க்கும் பேனர் கட்டினால் மட்டம், இளையராஜாவுக்கு விசிலடிச்சான் குஞ்சாக இருப்பது மேன்மையா என்று டாக்டர் புருனோ ஒரு கேள்வி கேட்டார். (வேதம் புதிது எபக்ட்)
- கவிமடம் மீண்டும் புத்துணர்வு பெறும் என்று ஆசீப் அண்ணாச்சி 256ஆவது முறையாக உறுதியளிக்க, நர்சிம்மும் கைகோப்பதாகச் சொல்லி இருக்கிறார். பார்ப்போம். நடந்த அன்றைக்குதான் நிச்சயம்.
Jun 17, 2009
நாட்குறிப்பாய் ஒரு அ-புனைவு
Sep 17, 2008
ஒரு சோறு பதம்? தெரியலையே - உதவி வேணும். (17 Sep 2008)
உங்கள் வசதிக்காக வரிசைப்படுத்திக் கொடுத்திருக்கிறேன். பதில்களை உடனுக்குடன் மட்டுறுத்த இயலாது.
1. இரட்டை டம்ளர் முறைக்கு நான் இங்கே தீர்வு கொடுத்துள்ளேன்
2. ஆத்திகர்களுக்கும் நாத்திகர்களுக்கும் முதலெழுத்துதான் வித்தியாசம்
3. ஜோதியில் சைவப்படம் போட்டால் சீட்டு கிழியும், தாவூ தீரும்
4. இவ 110,131 மேகீ 43 சரி, மத்ததெல்லாம் தப்பு. முயற்சி பண்ணுங்க.. உங்களால முடியும்.
5. இது இந்தப்பதிவுக்கு மட்டுமல்ல, தங்கமணிக்கும் எதிர்பதிவல்ல
6. என் டி ஷர்ட் டை திருடினாலும் பரவாயில்லை, டி ஷர்ட் வாசகத்தைத் திருடிவிட்டார்கள்.
7. வாரம் 30$ வைக்கலாமா 70$ வைக்கலாமா என்றுதான் குழப்பம்
8. இப்போதெல்லாம் 30 விநாடியில் நேரிசை வெண்பா எழுத முடிகிறது
9. கிளி ஜோக் தவிர வேறெதுவும் கம்பன் விழாவில் சொல்லக்கூடாது
10. காற்றை வஞ்சித்துத்தான் பறக்கவேண்டும் என்றால், எனக்கு வேண்டாம் அந்த பட்டம்
11. கும்மிடிப்பூண்டியில் வயதான ஓட்டுநராக இருந்தாலும் காலை அழுத்தினால் வண்டி நிற்கிறது.
12. சென்னை மாநகராட்சி போர்ட் - என் கைவிரல் சென்னை மாநகராட்சியில் இருக்கிறது, கால் வெளியே.
Jun 30, 2008
பொதுஜனத்தை மறந்த பொதுஜனம்!
நம்ம மக்களுக்கு, கமல்ஹாசனைத் தெரியுது, டாக்டர் விஜய் ஐத் தெரியுது ஏன் வாட்டாள் நாகராஜைக்கூடத் தெரியுது - ஆனா பொது ஜனத்தைத் தெரியலைங்க! என்னாதான் மாசத்துக்கு லட்சத்துக்கு நூறு இருநூறு கம்மியா வாங்கற பொட்டி தட்டற தொழில்லே இருந்தாலும் இப்படியா? மறுகாலனீய ஏகாதிபத்திய சிந்தனாமுறையின் இருத்தலியல் சாராக் கற்பனாவாதம் முத்திப்போச்சு போல!
சரி சரி எங்கேயும் போயிடாதீங்க.. மேட்டருக்கு வந்துடறேன்!
குவிஸ் வைச்சா ரெஸ்பான்ஸ் நல்லா இருக்கும்னு தெரிஞ்சதுதான்னாலும், இவ்வளவு சூப்பர் ரெஸ்பான்ஸை நானே எதிர்பார்க்கலை - அதுவும் அடல்ட்ஸ் ஒன்லி கதைகள் எல்லாப்பக்கமும் இருந்து கொட்டிக்கிட்டிருக்கும் வேளையில!
4000 ஹிட்டுக்களை விடுங்க! 130 பின்னூட்டங்களை விடுங்க! 118 முழுசா முடிச்சு அனுப்பிய விடைகளையும் விடுங்க! எனக்கு நிஜமான ஆச்சரியம் இத்தனை பேரும் இந்தப்போட்டிக்காக செலவழிச்சிருக்க நேரம்! 500லிருந்து 1000 நொடி!
கோட்னு ஒண்ணு கொடுத்ததால, சுலபமா காபி பேஸ்ட் பண்ணிட்டாங்கன்னாலும், யாருமே ரிப்பீட்டேய் போடலைன்றது ஒரு சந்தோஷம்தான்! உடனே கண்டுபிடிச்சுருவேனே :-)
இன்னொரு ஓ போடவேண்டிய சமாச்சாரம்! விடை அனுப்பியவங்களுக்கு சராசரியாக 72 சதவீதம் மதிப்பெண் கிடைச்சிருக்கு!
சரி..விடைகளைச் சொல்ல வேண்டிய நேரம்! பாஸ்டன் பாலா கேட்ட புள்ளிவிவரங்களுடன்!
வெற்றி பெற்றவர்களைப் பற்றிய அறிவிப்புலதான் ரொம்பவே குழம்பிட்டேன். நேரம் மற்றும் குறிப்புகளை வைத்து வரிசைப்படுத்தலாம் னு நெனச்சேன். ஆனால், அது நியாயமானதா இருக்காது - சிலர் திறந்துட்டு வேற ஜன்னலைப் பார்த்துக்கொண்டு இருந்திருக்கலாம். சிலர் இரண்டாவது மூன்றாவது முறையாக முயற்சித்ததில் குறைந்த நேரத்தில் குறைந்த குறிப்புகளுடன் முடித்திருக்கலாம் - என்பதால் அப்படி வரிசைப்படுத்தாமல், எனக்கு பின்னூட்டம் / மின்னஞ்சல் வந்த நேரப்படி வரிசைப்படுத்தி இருக்கிறேன். இவர்கள் அனைவருக்கும் ஒரு ஓ!
ஆனா மக்களே! கும்மிக்கும் மொக்கைக்கும் நடுவுல அப்பப்ப இந்த மாதிரி எதாவது செஞ்சே தீரணும்னு எனக்கு இன்ஸ்பிரேஷன் கொடுத்துட்டீங்களே! எப்பல்லாம் முடியுதோ அப்பல்லாம் இப்படி ஒரு இம்சையைக் கொடுத்தே தீருவேனே! பாவம் நீங்க!
Jun 16, 2008
கேள்வி பதில் ச சங்கர் - கொத்தனார் வயா பினாத்தல்!
2.முதல் காதல் அனுபவம் ( ஒரு தலையாக இருந்தாலும்) எங்கு, எப்போது & கடைசியில் என்ன ஆச்சு?
3.மனைவிக்கு முதல் குழந்தை பிறந்த போது எங்கிருந்தீர்கள்(டெலிவரி வார்ட் முன்பாக நகத்தை கடித்துக் கொண்டா?)? அப்போது மனதில் தோன்றிய எண்ணங்கள்?
இரவு 11 மணிவரை மனைவியின் அருகில் இருந்தேன். வலி எடுக்கவில்லை. எப்போதும் எடுக்கலாம் என்ற நிலை. எனக்கு இருக்கும் குறைபாட்டினால் அங்கே பக்கத்தில் இருக்காமல் வீட்டுக்குச் சென்றுவிட்டேன். காலல 8 :30க்குத்தான் மறுபடி மருத்துவமனைக்கு வந்தேன். வருவதற்கு இரண்டே நிமிடம் முன் குழந்தை பிறந்தது எனத் தெரிவித்தார்கள். வெயில் அதிகமாக இல்லாததால் பிறந்த குழந்தையைக் குளிப்பாட்டி உள்ளறையில் விளக்கொளியில் வைத்து கண்ணாடி ஜன்னலைத் திறந்து காட்டினார்கள் என் தேவதையை!
எண்ணங்களா? முதல் எண்ணம் மனைவி பெத்துப் பிழைச்சு வரணும்ங்கறதுதான். ரெண்டாவதா, ஒண்ணு ரெண்டு மைக்ரோ செகண்டுக்கு, "அப்பாவா ஆகப்போறே, இனியாவது குழந்தைத்தனமா இல்லாம பொறுப்பா நடந்துக்கணும்" அப்படின்னு ஒரு எண்ணம் வந்தது. இன்னி வரைக்கும் அந்த எண்ணத்தை ஜெயிக்க விடலையே! நாமல்லாம் யாரு!
ஹலோ பி ஏ.. இப்ப உடனடியா, அடுத்த மூணு நிமிஷத்துக்குள்ள எனக்கு இந்த உத்தரவெல்லாம் டைப் ஆகி வரணும்.
Jun 11, 2008
ஜிலேபியும் மலச்சிக்கல் பதிவர்களும் இன்னபிற பிரபலங்களும் (11 Jun 2008)
சிவாஜி வாயிலே ஜிலேபி..
"இதான் க்ளூவா?" இன்ஸ்பெக்டர் கோகுல்நாத் தன் சட்டைப்பையினின்றும் எடுத்த கைக்குட்டையால் முகத்தைத் துடைத்தவண்ணம் கேட்டார்.
"ஆமாம் சார். அந்த யங் சாப் அப்படித்தான் தன் கையிலே பச்சை குத்தியிருந்தான்" சொன்னார் சிலம்பரசன் ஐ பி எஸ்.. சத்தியிலிருந்து மாற்றலாகி வந்திருந்தார். புது ரெக்ரூட்மெண்ட்.
"இறந்தவர் பேரு என்ன?"
"வாகீசன் சார். ஆர் எஸ் புரத்துல தங்கி இருக்கார். இண்டஸ்ட்ரிஸ்ட்"
"எப்படி இறந்தார்?"
"பாரன்ஸிக் டிபார்ட்மெண்ட் ரிசல்ட் இன்னும் வரலை.. ஆனா உடம்பெல்லாம் நீலம் பாரிச்சிருந்தது சார்"
"லாஸ்ட் வீக் இதே ஏரியாவுல ஒரு கொலை நடந்ததே.. அதுல இறந்தவர் பேர் என்ன?"
"ஜியா மொகித்தீன் சார்.. அவரும் புட் பாய்சனிங் தானாம் சார்"
".. ம்" கோகுல்நாத் இன்னும் விவேக்கைக் கூப்பிட முடிவெடுக்கவில்லை..
"ஸ்வீட் சாப்பிடறீங்களா சார்.. பக்கத்துக் கடையில ஆனிவர்ஸரியாம்.. அதுக்காகக் கொடுத்துட்டுப் போனாங்க.."
கோகுல்நாத் துல்லியமாக அதிர்ந்தார்..
"சிலம்பரசன்.. அந்த ஜிலேபியச் சாப்பிடாதீங்க..
இன்னுமா உங்களுக்கு க்ளூ புரியல?
காலையில் அப்பா சொன்னாரே..'என் பெண் சமத்து. எந்த இடத்திலும் தன்னிலை உணர்ந்து நடந்து கொள்வாள்' இங்கே அதெல்லாம் முடியாது என பெருமூச்செறிந்தாள்.
வாயிலுக்குச் செல்லலாம். அங்கேயாவது இந்த அருண் ராஸ்கல் வந்திருக்கிறானா என்று பார்க்கலாம்.
டிக்கட் கேட்ட பரிசோதகரிடம் சீசன் டிக்கட்டைக் காட்டி வெளியே வந்தாள். சி எஸ் டி டெர்மினல் வாசல் ஆட்டோக்காரர்கள் 'வரீங்களா அம்மா' என்று கேட்டதற்கு தலையசைத்துவிட்டு முன்னேறினாள்.
அருண் வேகமாக வந்தான். "டார்லிங், நம் கஷ்டம் எல்லாம் தீந்துது.. இந்தா இனிப்பு சாப்பிடு" என்று வாயிலே ஒரு இனிப்பையும் திணித்தான்.
'என்னது இது.. நான்குபேர் போகிற வருகிற இடத்திலா சாப்பிடுவது?'
' அதனால் என்ன சிவாஜி (டெர்மினஸ்) வாயில்லே ஜிலேபி' என்று ஜோக்கடித்தான் அருண்.
Dec 12, 2007
எழுத்தறிவித்தல் - உதவுங்களேன்!!!
இன்ன றுங்கனிச் சோலைகள் செய்தல்
இனிய நீர்த்தண் சுனைகள் இயற்றல்,
அன்ன சத்திரம் ஆயிரம் வைத்தல்
ஆலயம் பதினாயிரம் நாட்டல்,
பின்ன ருள்ள தருமங்கள் யாவ
பெயர்விளங்கி யொளிர நிறுத்தல்,
அன்ன யாவினும் புண்ணியம் கோடி
ஆங்கோர் ஏழைக்கெழுத்தறி வித்தல்!
எழுத்தறிவித்தல் அப்படின்னா எழுத்தைப் பத்தின அறிவிப்பு எனத்தானே பொருள்? இந்தப் பதிவும் அதுதான்:-)
மேட்டர் ஒண்ணும் பெரிசா இல்லைங்க, சர்வேசன் ஒரு சிறுகதைப் போட்டி அறிவிச்சாலும் அறிவிச்சார், நீண்டநாளா எழுதாத சிறுகதைகள் எல்லாம் முட்டிக்கிட்டு வந்து ஒண்ணுக்கு மூணா எழுதித் தள்ளிட்டேன். ஆனா சர்வேசன் ஒண்ணுதான் ஏத்துப்பாராமே..
எழுதினவன்ற முறையில எனக்குப் பிடிக்காத கதையை பதிந்திருக்கவே மாட்டேன் - எனவே மூணுமே எனக்குப் பிடிச்ச கதைகள்தான். ஹிட்ஸ், பின்னூட்டம் -- இது எல்லாமே மூணு கதைக்கும் ஏறத்தாழ சமமாவே இருக்கு.
அதனால, சர்வேசன் பாணியிலேயே ஒரு சர்வே வச்சுடலாம்னு..
படித்த பிறகே வாக்கெடுப்பில் கலந்துகொள்ளவேண்டும் எனக்கேட்டுக்கொள்கிறேன்.
கதை ஒன்று: காமத்திற்கும் கண் உண்டு
கதை இரண்டு : கடன் அட்டை
கதை மூன்று: காட்டு வழி போற தேவ் நீ கவலப்படாதே
படிச்சுப் பாத்து, வாக்களியுங்கள் என கரம் சிரம் தாழ்த்தி வணங்கிக் கேட்டுக்கொள்கிறேன்.
Nov 19, 2007
தேவையா தேவ் ஐயா?
இந்த அளவுக்கு மாற்றம் இருப்பதே இத்தொடருக்கு கிடைத்த வெற்றியா நான் பாக்கறேன். ஏனென்றால் நாம் எடுக்கும் வகுப்புகளால் உலகம் தலைகீழாகத் திரும்பிவிடும் என்று எதிர்பார்த்து இத்தொடர் தொடங்கப்படவில்லை. பாம்புன்னா படம் எடுக்கும், பாலைவனம்னா சுட்டெரிக்கும், டாஸ்மாக்னா தள்ளாடவைக்கும், தங்கமணின்னா டப்பா டான்ஸ் ஆடும் .. இதெல்லாம் உலக நியதி!
Sep 10, 2007
பட்டறையும் பினாத்தலாரும்
Jul 28, 2007
துபாய் வலைப்பதிவர் சந்திப்பு - ஆங்கோ தேக்கா ஹால்! (28 jul 2007)
Jul 18, 2007
பதிவர் பட்டறை ஆகஸ்ட் 5ம் என் சோதனையும்!
Apr 26, 2007
வ வா சங்க ஆப்புரேசல்
ஆப்புரேசல் பேரு வச்சுகிட்டு எல்லாரும் புகழ்ந்துட்டுப் போறாங்க!
சிறுபிள்ளத் தனமால்ல இருக்கு? அவிங்க எப்படியாப்பட்ட ஆளுங்க? இந்த ஊரிலே தல அடிவாங்காத இடமே கிடையாது, தெரியுமா?
ஆப்பு வைக்காம அரவணைச்சுப்போனா சங்கத்துச் சிங்கங்கள் பங்கமாயிப்
போயிடுமேன்றதுக்காக நான் ஆப்பே வைக்கிறேன்.
(எனது மனதைக் கல்லாக்கிக்கொண்டுதான் இந்த முடிவெடுத்திருக்கிறேன்
என்பதைத் தனியே சொல்லத் தேவையில்லை)
SWOT அனாலிஸிஸ் ஆவே பண்ணிடறேன். ஆனா, வரிசைப்படி இல்லாம.
முதல்ல வீக்னஸ் Weaknesses (பெசிமிஸ்டிக் பெனாத்தலார் ;-)
சீரியஸான குறைகளை முதல்ல சொல்லிடறேன்.
1. நகைச்சுவைக்கு எவ்வளவோ ஸ்கோப் (அரசியலைக் கிண்டலடிக்கிறது, சினிமாவைக் கிண்டலடிக்கிறது எட்ஸெட்ரா) இருந்தாலும், சங்கத்துச் சிங்கங்களோட கேரக்டரை மட்டுமே வச்சு காமடி பண்றது, பாதுகாப்பான விளையாட்டா இருக்கலாம், ஆனா சீக்கிரமே அலுத்துப்போய்விடும். (இதுவரை இல்லைன்றதையும் ஆறுதல் பரிசா சொல்லி வைக்கிறேன்:-)
2. நகைச்சுவையை வெளிப்படுத்த எத்தனையோ மீடியங்கள் இருந்தாலும்
(போட்டோஷாப் கிம்மிக், வாய்ஸ் ஓவர் விடியோ, மசாலா மிக்ஸ், ப்ளாஷ்
அனிமேஷன்) பெரும்பாலான வ வா சங்க படைப்புகள் நாடகம் போலவே
அமைந்திருக்கிறதும் ஒரு குறை. (மைண்ட் வாய்ஸிலே பாதிக்குப் பாதி வருவதும் அதிகமாகப்போனால் அலுத்துவிடும். லக்கிலுக் அட்லஸா சில போட்டோஷாப் பண்ணாரு, நான் அட்லஸா இருந்தப்ப சிவாஜி ரீ-ரிலீஸ் பண்ணேன்.. இதெல்லாம் விதிவிலக்குகள்தான்.
3. அனுபவ நகைச்சுவை, பொதுமைப்படுத்தப்பட்ட கேரக்டர்கள் என்ற இரு
பாகங்களிலேயே ஏறத்தாழ எல்லா பதிவுகளையும் வகைப்படுத்திவிடலாம். கவிதை,
கட்டுரை, டங் ஆப் ஸ்லிப், ஸ்லாப்ஸ்டிக், அடுத்தவன் செலவிலே சிரிக்கறது..
இதெல்லாம் தேடினாலும் கிடைக்கவில்லை.
ஆக, சுருக்கமாச் சொல்லப்போனா ஒரு பிராண்டு நகைச்சுவை மட்டும்தான் கிடைக்குது. ஆனா,
எண்ணிக் க்ளிக்க பதிவை - க்ளிக்கிட்டு
எண்ணுவம் என்பது டூலேட்டு.
என்ற இணைய வள்ளுவரின் வாக்கினிற்கேற்ப, க்ளிக்கியவன் மனம் கோணாமல், சிரிக்கவைப்பதில் வெற்றிபெறும்வரை ஒரு பிராண்டா இருந்தா என்ன, வெர்ஸடாலிட்டி கிடைக்காட்டாதான் என்ன? மெக்டொனால்ட்ஸ்லே மைசூர் போண்டா கிடைக்குதா? கே எப் சிலேதான் இடியாப்பம்-பாயா கிடைக்குதா?
அடுத்ததா ஸ்ட்ரெங்த் (Strengths):
நிறைகளைச் சொல்லபோனால் சொல்லிக்கொண்டே போகலாம்.
1. நகைச்சுவைக்கு இவ்வளவு முக்கியத்துவம் கொடுப்பது. காண்ட்ரவர்ஸி
தவிர்த்த நகைச்சுவை வேண்டும் என்பதற்காகவே பொதுவாழ்வில் உள்ள யாரையும் பிடிக்காமல், தனிநபர் தாக்குதலை அறவே தவிர்த்து, சின்ன க்ரவுண்டா இருந்தாலும் அதுலே பீல்ட் அழகா செட் பண்ணி விளையாடுறது.
2. எழுதறவங்களுக்கே பொதுவா கொஞ்ச நாள் கழிச்சு ஒரு ப்ளாக் வந்துடும், கை ஓடாது. அதிலும் காமடி எழுதறவங்களுக்கு இன்னுமே அடிக்கடி இந்த ப்ளாக் வரும். மூடு, சூழ்நிலை, நேரம் எல்லாம் வாஸ்துப்பிரகாரம் அமைஞ்சிருந்தாலே நகைச்சுவை எழுத்து வர்றது கஷ்டம்.
இந்தப் பிரச்சினைக்கு இவங்க கண்டிருக்க தீர்வு சிம்பிள் ஆனா எபக்டிவ்.
ஒரு ஆளை மட்டும் நம்பாதே - கூட்டத்தை வளைச்சுப்போட்டுக்க. முதல் ஆளுக்கு ப்ளாக் வரும்போது மூணாவது ஆள் பாத்துப்பான், அவனுக்கு வந்தா அடுத்த ஆளுன்னு காமடி எழுதறதுக்குப் பஞ்சமே இல்லாத கூட்டம்
3. ஏற்கனவே இவங்களுக்கு நல்ல கூட்டம் இருந்தாலும், வெளியே போற
சிரிப்புமூட்டிகளையும் மாசத்துக்கு ஒருத்தரா சேத்து விளையாடறதால வர
புதுமை, ப்ரஷ்னெஸ்.
4. நல்ல நிர்வாகம். சீரா பதிவுகள் வருவது கவனத்தில் நிற்க ரொம்ப
முக்கியம். ஆரம்பிச்ச ஜோர்லே எல்லாரும் பங்களிப்பாங்க. கொஞ்ச நாள்
கழிச்சு இங்க ஆணி, அங்க ஸ்க்ரூன்னு ஸ்க்ரூட்ரைவர் அடிக்கக்
கிளம்பிடுவாங்க. எல்லாத்தையும் அரவணைச்சு ஒரு குழுப்பதிவை நடத்தறது எவ்ளோ கஷ்டம்ங்கறது விக்கிக்கு கஷ்டப்படற கொத்தனாரைப் பாத்தபிறகுதான் புரிஞ்சுகிட்டேன். பெரிய இடைவெளி விழாம பதிவுகள் வருவதே நிர்வாகத்தின் திறனைக் காட்டுகிறது.
அடுத்ததா த்ரெட்ஸ் (Threats):
1. ஒரே மாதிரியான பதிவுகளே திரும்பத் திரும்ப வரும் வாய்ப்புகள். வெற்றி
அடையும் பதிவுகள் என்பது பின்னூட்டம் வாயிலாக மட்டுமே கணக்கிடப்படும் நிலையில், இப்படிப் பதிவிட்டால் பின்னூட்டம் வரும் என்று தெரிந்து அடைபட்ட சுழற்சியாக வளர்ச்சிக்கு வாய்ப்பில்லாமல் போய்விடலாம்.
2. பின்னூட்டங்களில் நான் தான் பர்ஸ்ட், இப்போதைக்கு அட்டண்டண்ஸ்,
அப்புறம் படிச்சிட்டு வரேன் போன்ற ஒத்தை வரிப் பின்னூட்டங்கள், இது எதோ ஒரு தனிக்குழுவோட டிஸ்கஷன் போர்டு போலத் தோன்றக்கூடியவை. புதியவரை விலக்கிவிடும் அபாயம் கொண்டவை.
கடைசியா ஆப்பர்சூனிட்டீஸ் (Opputunities):
1. புதிது புதிதான பதிவர்களை - நகைச்சுவையாளர்களை உள்ளே இழுக்கலாம்.
2. புதிது புதிதான பார்மட்களில் நகைச்சுவை முயலலாம்.
3. போட்டி என்று வைக்கும்போது சில விதிமுறைகளை அதிகப்படுத்தலாம் -
போட்டிக்கான தலைப்பு அல்லது தீம் போல!
4. தினம் ஒரு ஜோக் மாற்றலாம் - ட்ராபிக் தினமும் இருக்கும்.
ஆக, மொத்தமாக நான் சொல்வதெல்லாம், இன்றுபோல் என்றும் வாழ்க - இல்லை, இன்றைவிடவும் சிறப்பாக என்றும் வாழ்கதான்.
ஆப்பு பந்தத்தை தொடர்ந்து எடுத்துச் செல்ல அண்ணன் சாத்தான்குளத்தானை அழைக்கிறேன்.
Apr 22, 2007
பதிவர் சந்திப்பு: சுடச்சுட புகைப்படங்கள்!!!!!
பல முக்கியமான பதிவர்கள் பல முக்கியமோ முக்கியமான விஷயங்களை அலசி
ஆராய்ந்து காயப்போடும் காட்சிகள்:
இந்தப்படத்தில் சிற்றுரை நடத்திக்கொண்டிருக்கும் பிரபல பதிவர் பற்றி
அறிமுகம் தேவையில்லை.
சுடச்சுட புகைப்படங்கள்,, ஆனால் சுடவே முடியவில்லை :-(
Mar 5, 2007
ஆமாங்க - நீங்க கேள்விப்பட்டது உண்மைதான் (05 Mar 2007)
நான் இல்லை என்று வாதாடியிருக்கலாம். ஆனால் உண்மை சொல்ல முடிவெடுத்துவிட்டேன்!
வேறு ஒரு பதிவில் நான் எழுதியவற்றைப் படித்து மன உளைச்சல் அடைந்திருக்கும் சக வலைப்பதிவர்களிடம் மன்னிப்பு கேட்டுக்கொள்கிறேன்.
ஆமாம். சென்னைக் கச்சேரி பதிவில், வலைக்கிரிக்கெட் அணியைப் பற்றி இகழ்ச்சியாக எழுதியிருந்தது, வலைப்பதிவர்கள் கிரிக்கெட்டில் உலகக்கோப்பை என்ன உப்புக்கருவாடு கூட வெல்ல முடியாது என்று எழுதியது நானேதான். என் மெயில் எனப்போடப்பட்டிருந்ததை நான் மறுத்திருக்க முடியும்.. ஆனால் உண்மை சொல்ல வேண்டுமே!
ஏன் அப்படி எழுதினேன்? வலைப்பதிவர்களை விடுத்து வேறு பிரபலங்களை அணியில் சேர்த்தால் காமெடிக்கு வசதியாக இருக்கும் என்பதால்தான். பதிவுலகில் நீங்களெல்லாம் சூப்பர் ஸ்டார்கள்தான். ஆனால் கோப்பை வெல்ல இன்னும் சிலத் தகுதிகள் தேவையாக இருப்பதாக கருதியதால் பிரபலங்களை அழைத்து வர நேரிட்டது.
அப்பதிவின் (இப்பதிவுக்கும்) நோக்கம் நகைச்சுவை மட்டுமே என்பதால் என்னை மன்னித்து விடுவீர்கள் தானே?
Feb 28, 2007
30?
பொருத்தமான எண்தான். தந்தித் தொலைதொடர்பில் செய்தி முடிந்ததை (கதை முடிந்ததை) தெரிவிக்க 30 ஐத்தான் உபயோகப்படுத்துகிறார்களாம்.
ஹர்ஷத் எண் என்கிறார்கள் - 30ஐ. ஒரு எண்ணுக்குள் உள்ள எண்களின் கூட்டுத்தொகையால் முழு எண் வகுபட்டால் அதுதான் ஹர்ஷத் எண்ணாம். சரியாக விளக்கவில்லை எனப்பட்டால் சுட்டியை அழுத்தி விளக்கம் பெறலாம்.
30க்குக் குறைவான அத்தனை பகா எண்களின் கூட்டுத்தொகையாவும் இந்த ஏன் அமைந்திருக்கிறது.
துத்தநாகத்தின் அணு எண் 30.
கி மு 45க்கும் கி மு 8க்கும் நடுவில் ஜூலியன் நாட்காட்டியில் லீப் ஆண்டுகளில் பிப்ரவரிக்கு 30 தேதிகள் இருந்தனவாம்.
திருமணம் நடந்த முத்துவிழா 30ஆம் ஆண்டில்தான் கொண்டாடப்படுகிறதாம்.
-----------
இப்படிப்பட்ட பதிவுகளுக்கு உடனடியாக 30 கொடுத்தால்தான் மூடுவிழா நடத்தமுடியுமாம்.
Feb 23, 2007
நன்றி நன்றி நன்றீ!! (23 Feb 07)
இண்டிபிளாக்கீஸ் தேர்தல் - தமிழ் பிரிவில் பெருவாரியாக வாக்குகள் அளித்து என்னை கௌரவித்த அனைவருக்கும் என் நன்றி.
மீண்டும் ஒருமுறை வாக்களித்த அனைவருக்கும் நன்றி.
Feb 20, 2007
ஒரு அவசர ரீமேக் படம் (20 Feb 07)
வலைப்பூ ரீமேக் கிரியேஷன்ஸாரின்
பாட்சா
பாடல்:
நான் பினாத்தல்காரன் பினாத்தல்காரன்
நாலும் தெரிஞ்ச பிஸிக்காரன்
தமிழ்மணத்துக் கூட்டுக்காரன்
Flash காட்டும் மூளைக்காரன்
கட் & பேஸ்ட் வேலைக்காரன்
சீனு காட்டும் சிரிப்புக்காரன்
உப்புமா போடும் உறவுக்காரன்
காமடிக்குச் சொந்தக்காரண்டா
நான் எப்பவுமே காமெடிக்குச் சொந்தக்காரண்டா..
நான் எப்பவுமே காமெடிக்குச் சொந்தக்காரண்டா..
ஆ ஹிட் என்னா ஹிட்டுதான்
திட்டு என்னா திட்டுதான்
ஆ ஹிட் என்னா ஹிட்டுதான்
திட்டு என்னா திட்டுதான்
அய்யா பிளாக்காரே.. ஜாலியா விடமாட்டேன்
கும்தலக்கடி கும்கா ஏ கும்தலக்கடி கும்கா
அய்யா பிளாக்காரே.. ஜாலியா விடமாட்டேன்
வேலையோ வெட்டிநிலையோ - பதிவு
போடாம விடமாட்டேன்..
மேட்டர் இல்லையின்னா உப்புமா
அதுவும் இல்லையின்னா மீள்பதிவு
நான் பீட்டாவுக்கு மாறிபுட்டேன் பாருங்க
என் போஸ்ட்டையெல்லாம் வகைபிரிச்சேன் பாருங்க!
இண்டிபிளாக்கீஸ் தேர்தல்
அட என்னைய நம்பி வருதாம்
நம்பி வந்து குத்து..
நல்ல போஸ்ட்டும் வரலாம்..
காமடிக்குச் சொந்தக்காரண்டா
நான் எப்பவுமே காமெடிக்குச் சொந்தக்காரண்டா..
ஊரு பெரிசாச்சு - பதிவரும் பெருத்தாச்சு
கும்தலக்கடி கும்கா ஏ கும்தலக்கடி கும்கா
ஊரு பெரிசாச்சு - பதிவரும் பெருத்தாச்சு
பின்னூட்டம் எதிர்பார்த்து பாதி வயசாச்சு..
மக்கள் பார்க்கவரும் வேளையிலே,
இருப்பேன் தமிழ்மணத்தின் மூலையிலே!
நான் ரீமேக்கெல்லாம் பண்ணியுனக்குத் தாரேம்பா
எனக்கு ஓட்டு ரெண்டு போட்டு நீயும் வாயேம்பா!
பொழைப்பில்லாத ஆளும் அட
பினாத்தல நம்பி வருவான்
ஒழுங்கான ஆளும்
உருப்படாம போவான்
காமடிக்குச் சொந்தக்காரண்டா
நான் எப்பவுமே காமெடிக்குச் சொந்தக்காரண்டா..
வசனம்:
டேய் டேய் டேய்... ஆண்டவன் கெட்டவங்களுக்கு பின்னூட்டமா அள்ளித் தருவான்.. ஆனா அத்தனையும் அனானியாவும் மொக்கையாவும் போவுண்டா
நல்லவங்களுக்கு.. ஆபீஸ்லே பிளாக்கரை பிளாக் பண்ணுவான்.. ஆனா பின்னூட்டமா கொட்டுண்டா!
ஐடியாவுக்கு நன்றி: சென்னைக்கச்சேரி தேவ்!
----
இண்டிப்ளாக்கீஸில் எனக்கு வோட்டளித்துவிட்டீர்களா?
பதில் தெரியாத கேள்விகளுக்கு no answer என்று தெரிவு செய்யலாம். நன்றி
Please Click on the Link below to start the voting process.
http://poll.indibloggies.org/index.php?sid=1
Feb 18, 2007
பினாத்தல் ரீமேக் திரைப்படங்கள் (2) - திருவிளையாடல் (20 Feb 07)
வலைப்பூ ரீமேக் கிரியேஷன்ஸாரின்
திருவிளையாடல்
நாட்டு மக்களுக்கோர் நற்செய்தி, நல்ல வலைப்பூ எழுதுவோர்க்கு நல்ல
வாய்ப்பு. தமிழ் வலைப்பூக்களில் உப்புமா பதிவு எழுதி, மக்களின்
சந்தேகத்தைத் தீர்க்கும் பிளாக்கருக்கு ஆயிரம் ஹிட் பரிசு.
புதுப்பதிவர் - தண்டோரா, பரிசுத்தொகை எவ்வளவு?
தண்டோரா - ஆயிரம் ஹிட்
புது: ஐயோ ஐயோ, ஒண்ணா ரெண்டா, ஆயிரம் ஹிட்டாச்சே! மூணுநாளாச்சு பதிவு போட்டு இன்னும் 30 பேர் கூட பாக்கலியே.. ஆயிரம் ஹிட்டாச்சே!
விக்கிப்பசங்க: பதிவரே
புது: யாரு
வி: அழைத்தது நான் தான்.
பு: யாருங்க நீங்க, ஏன் அழைச்சீங்க?
வி: அறிவியல், உப்புமா அனைத்தும் கூட்டி, சுந்தரத் தமிழிலே பதிவெழுதி,
விக்கிப்பசங்களில் கூட்டாளியான பதிவர் நான்.
பு: அய்யோ தண்டோரா போட்டதை நீங்களும் கேட்டாச்சா? என் வயத்துலே
அடிக்கறதுக்குன்னே வந்திருக்கீங்க அப்போ!
வி: மக்களின் சந்தேகத்தைத் தீர்க்கும் பதிவுனக்கு கிடைத்துவிட்டால்,
ஆயிரம் ஹிட் உனக்குதானே!
பு: ஆமா, ஆயிரம் ஹிட்டாச்சே.. முதல்லே என் பிரண்டுங்களை பாக்கவைக்கணூம்.
வி: கவலைப்படாதே, அந்தப்பதிவை நானுனக்குத் தருகிறேன்.
பு: என்னது? நான் பாக்கறதுக்குக் கொஞ்சம் சுமாரா எழுதறவன் மாதிரிதான்
இருப்பேன், என் திறமையப்பத்தி உனக்கு தெரியாது.
வி: என் திறமை மேல் உனக்குச் சந்தேகம் இருந்தால், என்னைப் பரீட்சித்துப்
பாரேன் - உனக்குத் திறமை இருந்தால்?
பு: என்னது, என்கிட்டே என்கிட்டேயே மோதப்பாக்கறியா? நான் எழுதவந்ததுதான் புதுசு. ஆனா ரொம்பநாளா படிச்சுகிட்டிருக்கேன்..
வி: கேள்விகளை நீ கேட்கிறாயா அல்லது நான் கேட்கட்டுமா?
பு: நானே கேட்கிறேன், எனக்கு கேக்க மட்டும்தான் தெரியும்.
பு: பிரிக்க முடியாதது என்னவோ?
வி: வலைப்பூவும் அரசியலும்
பு: பிரியக்கூடாதது?
வி: வலைப்பூவும் பொழுதுபோக்கும்
பு: சேர்ந்தே இருப்பது?
வி:கொத்தனாரும் பின்னூட்டமும்
பு: சேராதிருப்பது?
வி: கருப்பும் சிகப்பும்
பு: சொல்லக்கூடாதது?
வி: எத்தனை பெயரில் எழுதுகிறோம் என்று
பு: சொல்லக்கூடியது
வி: எதிராளி ஐ பி
பு: பார்க்கக் கூடாதது?
வி: சாகரன் மாதிரி இழப்புகள்
பு: பார்க்கக்கூடியது?
வி: படம் காட்டும் பதிவுகள்
பு: பதிவில் சிறந்தது?
வி: நகைச்சுவைப் பதிவுகள்
பு: நகைச்சுவை என்பது?
வி: தனிநபர் தாக்குதல் இல்லாதது
பு: தாக்குதல் என்பது?
வி: போலி செய்வது.
பு:போலிக்கு?
வி:டோண்டு
பு:வேலைக்கு
வி:ரவி
பு: காமெடிக்கு?
வி: வ வா ச
பு: கலாய்க்க?
வி: நாமக்கல்
பு: கலாய்க்கப்பட?
வி: பாலபாரதி
பு; உப்புமாவுக்கு?
வி: பினாத்தல்
பு: ஆனைக்கு?
வி: பொன்ஸ்
பு: பூனைக்கு?
வி: துளசி அக்கா
பு: அய்யா.. ஆளை விடு.. நீர் பதிவர்!
ஆதரவு தொடர்ந்தால் இன்னும் ரெண்டு ஐடியா இருக்கு.. தயாரிப்பாளர்களே வாருங்கள், ஆதரவை அள்ளித் தாருங்கள்!
இண்டிப்ளாக்கீஸில் எனக்கு வோட்டளித்துவிட்டீர்களா?
பதில் தெரியாத கேள்விகளுக்கு no answer என்று தெரிவு செய்யலாம். நன்றி
Please Click on the Link below to start the voting process.
http://poll.indibloggies.org/index.php?sid=1
பினாத்தல் ரீமேக் திரைப்படங்கள் (1) - பராசக்தி (19 Feb 07)
நீதிபதி: உன்மேல் சாற்றப்பட்டிருக்கும் குற்றச்சாட்டுகளுக்கு நீ என்ன பதில் சொல்ல விரும்புகிறாய்?
குற்றம் சாட்டப்பட்டவர்:
நீதிமன்றம் பல விசித்திரம் நிறைந்த வழக்குகளைச் சந்தித்திருக்கிறது. பல புதுமையான மனிதர்களைச் சந்தித்திருக்கிறது, ஆனால் இவ்வழக்கு ஒன்றும் விசித்திரமானதல்ல, குற்றம் சாட்டப்பட்ட நானும் ஒன்றும் புதுமையானவனல்ல.
போலிப்பெயரில் பின்னூட்டம் போட்டேன், அதர் ஆப்ஷனை எதிர்த்தேன், செய்யத் தெரியாமல் கயமை செய்தேன் - குற்றம் சாட்டப்பட்டிருக்கிறேன்
இப்படியெல்லாம்.
நீங்கள் நினைப்பீர்கள், இதையெல்லாம் நான் மறுக்கப்போகிறேன் என்று. இல்லை - நிச்சயமாக இல்லை.
கேளுங்கள் என் பழங்கதையை. வலைப்பூ பாதையிலே சர்வ சாதாரணமாக இருக்கும் ஏராளமான பதிவர்களில் ஒருவன் தான் நானும்.
பிழைக்க ஒரு தொழில், பொழுதுபோக்க ஒரு தொழில் - வலைப்பதிவர்
பெரும்பான்மைக்கு நான் மட்டும் என்ன விதிவிலக்கா? மொழிபெயர்த்துக் கொண்டிருந்த நான், பூஜ்யவெளியிருக்கும் பிளாக்குக்கு ஓடோடி வந்தேன். பிளாக், என்னை தாத்தா என்றது. என் அனுபவத்தை தா, தா
என்று கேட்பதாக எண்ணி நானும் அள்ளி வழங்கினேன்.
ஆனால் வலைப்பூ மக்கள் என்னை எள்ளி நகையாடினர். என் வெளிப்படைப்பேச்சுக்களை வெளிப்படையாகக் கிண்டல் செய்தனர். எனக்கிருந்த ஓரிரு ஆதரவாளர்களையும் கொடுமைப்படுத்தியது.
போலிக்கள் என்னை ஆபாசம் செய்து துரத்தினார்கள் - ஓடினேன்.
மாற்றுக்கருத்தாளர்கள் என்னை தூஷணம் செய்தார்கள் - ஓடினேன்.
நடுநிலைவாதிகள் என்னைக் கிண்டல் செய்தே தீர்த்தார்கள் - ஓடினேன் ஓடினேன் - ஸைபர்வெளியின் எல்லைக்கே ஓடினேன். மூச்சு வாங்கியதால் திரும்ப வந்துவிட்டேன்.
அதர் ஆப்ஷன் வேண்டாமென்றேன் - ஏன் போலிகளே கூடாதென்றா? ஆபாசமாக எழுதி என்னை ஆதரித்த சிலரையும் ஓட ஓட விரட்டும் அசிங்கப்போலிகள் கூடாதென்றுதான் கூறினேன்.
வேறுபெயரில் பின்னூட்டமிட்டேன் - ஏன் எனக்குப் பெயர் இல்லாததாலா? என் பெயர் தெரிந்தால் ஏற்கனவே எனக்கு விழும் திட்டு இன்னும்
அதிகமாகிவிடுமே என்பதற்காக!
பின்னூட்டக்கயமை செய்தேன் - ஏன் 100 200 என்று சாதனை செய்வதற்காகவா? போலியின் பயமுறுத்தலால் பாதி, என் பதிவைப்பார்த்து ஓடியதால் பாதி எனக் காற்று வாங்கி என் பதிவுகள் காணாமல் போய்விடுவதைத் தவிர்ப்பதற்காக!
என் யுத்தத்தில் பங்கேற்றிருக்கவேண்டும், போலியைத் துரத்தியிருக்கவேண்டும், யோம் கிப்பூரின் போது கூட இருந்திருக்கவேண்டும், பின்னூட்டங்களாய்க்கொட்டி எனக்கு ஆதரவளித்திருக்கவேண்டும் - இன்று என்முன் சட்டத்தை நீட்டுவோர்.
செய்தார்களா? வாழ விட்டார்களா இந்தத் தாத்தாவை.. இதற்கொரு முடிவு கட்டவே நான் பல அவதாரம் எடுத்தேன்! தவறா? கூறுங்கள் நீதிமான்களே!
நாளை ரிலீஸ், அடுத்த ரீமேக்: திருவிளையாடல்!
பதில் தெரியாத கேள்விகளுக்கு no answer என்று தெரிவு செய்யலாம். நன்றி
Please Click on the Link below to start the voting process.
